Zacarias 3:2 - Marahay na Bareta Biblia

² Sinabihan kan anghel nin Kagurangnan si Satanas, “Kondenaron ka logod nin Kagurangnan, Satanas! Kondenaron ka logod nin Kagurangnan na namomoot sa Jerusalem. An lalaking ini nakakaarog sa sarong sanga na inagaw sa kalayo.”

Zacarias 3:2 ပူးပေါင်းရင်းမြစ်များ

2 Mga Cronica 6:5

‘Magpoon kan aldaw na iluwas ko sa Egipto an sakong banwaan, dai pa ako nagpili nin syudad sa gabos na tribu nin Israel tanganing tugdokan ko nin Templo na pagsasambahan sako. Dai man ako nagpili nin siisay man na mamamayo kan sakong banwaan na Israel.

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

Salmo 109:31

Huli ta an daing sukat sinusurog niya, asin iliniligtas sa mga nagkokondenar na siya magadan.

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Zacarias 1:17

Sinabihan man ako kan anghel na magpahayag: “Nagtataram an Kagurangnan nin mga hukbo na magigin mauswag giraray an saiyang mga syudad asin tatabangan niya giraray an Jerusalem saka aakoon na sadiri niya.”

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Markos 1:25

Alagad pinagbotan ni Jesus an espiritu, “Dai ka magribok asin lumuwas ka sa tawong iyan!”

Markos 9:25

Nahiling ni Jesus na nagdadaguso sainda an mga tawo, kaya pinagbotan niya an maraot na espiritu, “Espiritung pola asin bongog, pinagbobotan takang lumuwas sa aking ini; dai ka na nanggad maglaog saiya!”

Lukas 22:32

Alagad, Simon, ipinamibi taka na dai magluya an saimong pagtubod, nganing pagbalik mo sako, pakosogon mo an saimong mga tugang.”

Lukas 4:35

Alagad sinaway ni Jesus an demonyo, “Dai ka magribok! Lumuwas ka sa tawong iyan!” Sa atubangan ninda gabos ilinampog kan demonyo an lalaki, dangan nagluwas sa tawong ini na dai man lamang ini nakulogan.

Lukas 9:42

Kan nagdodolok na an aki ki Jesus, ilinampog siya kan demonyo sa daga saka pinakimig-kimig. Tinuyaw ni Jesus an maraot na espiritu, binolong an aki saka ibinalik sa saiyang ama.

Juan 13:18

“Bakong kamo gabos an sinasambit ko; midbid ko an mga pinili ko. Alagad kaipuhan maotob an nasasabi sa kasuratan, ‘Ipinasaluib ako kan tawong kahiras ko kan tinapay ko.’

Roma 16:20

Dai na mahahaloy, roronoton kan Dios nin katoninongan si Satanas sa irarom kan saindong bitis. Mapasaindo logod an biyaya kan satong Kagurangnan na Jesus.

Roma 8:33

Siisay an magsusumbong tumang sa mga pinili nin Dios? An Dios mismo an nagsasabing dai sinda nin kasalan.

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.

Judas 1:23

iligtas nindo an iba sa paagi kan pag-agaw sainda sa kalayo. Siring man maherak kamo sa iba, alagad mag-ingat kamo; kaongisan nindo maski an gubing na nadigtaan kan saindang kadustaan.

Judas 1:9

Maski si Miguel na Arkanghel dai nangahas na hatolan an Diablo kan nakikiiwal siya digdi dapit sa bangkay ni Moises, kundi nagsabi sana siya, “Sagweon ka logod kan Kagurangnan!”

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”