Zacarias 3:1 - Marahay na Bareta Biblia

¹ Sa saro pang bisyon ipinahiling sako nin Kagurangnan an Halangkaw na Padi na si Josue na nagtitindog sa atubangan kan anghel nin Kagurangnan. Yaon sa kataed ni Josue si Satanas, na andam sa pagreklamo tumang ki Josue.

Zacarias 3:1 ပူးပေါင်းရင်းမြစ်များ

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

1 Mga Cronica 21:1

Nagtindog si Satanas laban sa Israel asin dinagka si David na sensohon an banwaan nin Israel.

2 Mga Cronica 29:11

Mga aki ko, dai kamo magpabaya, huli ta kamo an pinili nin Kagurangnan na magtindog sa atubang niya, maglingkod saiya dangan magtutong nin insenso para saiya.”

Esdras 10:18

Ini an lista kan mga lalaki na igwa nin mga dayuhan na agom: Sa mga padi: Sa kamaganakan ni Josue asin kan saiyang mga tugang, an mga aking lalaki ni Johozadak: si Maaseias, si Eliezer, si Jarib, asin si Gedalias.

Esdras 2:2

An mga lider ninda iyo si Zerubabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum, saka Baana. Iyo ini an lista kan mga kamaganakan nin Israel, kaiba an bilang kan mga kaayon kan lambang kamaganakan na nagbalik hale sa pagkatapokan:

Esdras 5:2

Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Salmo 109:6

Magpili ka nin sarong maraot na hukom na mahatol sa sakong kaiwal; sarong kaiwal niya na masumbong tumang saiya.

Jeremias 15:19

Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Ezekiel 44:11

Pwede sindang maglingkod sako sa Templo sa paagi nin pamamahala kan mga trangkahan asin nin paggibo kan mga trabaho sa laog kan Templo. Pwede sindang magbuno kan mga hayop na dolot kan mga tawo para sa tinutong na atang saka mga sakripisyo, asin sinda an maglilingkod sa tawo.

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:12

Dangan si Zerubabel asin si Josue patin an gabos na tawo na nagbalik hale sa pagkatapokan sa Babilonia nagkuyog kan tataramon nin Kagurangnan na saindang Dios. Natakot sinda asin sinunod si propeta Hageo, an sinugo nin Kagurangnan.

Hageo 2:4

Alagad dai kamo manluya. Magtrabaho kamo huli ta kaibahan nindo ako.

Zacarias 1:13

Sa makararangang mga tataramon, sinimbag nin Kagurangnan an anghel,

Zacarias 1:19

Hinapot ko an anghel na nakiolay sako, “Ano an kahulogan kan mga sungay na ini?” Nagsimbag siya, “Iyan an mga sungay na nagwarak kan mga taga Juda, taga Israel, asin taga Jerusalem.”

Zacarias 1:9

Hinapot ko siya, “Kagurangnan, ano an kahulogan kan mga kabayong ini?” Nagsimbag siya, “Ipapaliwanag ko an kahulogan ninda.

Zacarias 2:3

Dangan nahiling kong nagpaenotan an anghel na nakiolay sako, asin sinabat siya nin saro pang anghel.

Zacarias 3:8

Kaya hinanyoga Josue, ika na Halangkaw na Padi; dangoga man nindo, kamong mga kapwa niya padi, kamo na iyo an tanda kan marahay na pangyayari sa maabot na aldaw: ipapahayag ko an sakong sorogoon, na inaapod An Sanga!

Zacarias 4:14

Dangan nagsabi siya, “Iyo iyan an duwang lalaking pinili nin Dios asin linahidan tanganing maglingkod saiya, an Kagurangnan kan bilog na kinaban.”

Zacarias 6:11

Gumibo ka nin sarong korona hale sa itinao nindang plata saka bulawan, dangan ibugtak mo iyan sa payo kan Halangkaw na Padi na si Josue na aking lalaki ni Jehozadak.

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Lukas 22:31

Nagsabi pa an Kagurangnan, “Simon, Simon! Dangoga ako! Hinagad ni Satanas na saligsigon kamo, arog sa trigo.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Deuteronomio 18:15

Masugo siya nin sarong propeta na arog sako hale sa saindong banwa, asin kukuyogon nindo siya.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

1 Samuel 6:20

Kaya nagsarabi an mga taga Bet-semes, “Siisay an makakatindog sa atubangan nin Kagurangnan, ining banal na Dios? Saen ta siya pwedeng ipadara tanganing magin harayo sato?”