Zacarias 2:8 - Marahay na Bareta Biblia

⁸ An siisay man na makikiaram saindo, makikiaram kan pinakamahalaga para sako.” Kaya sinugo ako kan Kagurangnan nin mga hukbo na darahon an mensaheng ini sa mga nasyon na nanamsam kan saiyang banwaan;

Zacarias 2:8 ပူးပေါင်းရင်းမြစ်များ

Genesis 20:6

Nagsimbag an Dios sa pangatorogan, “Aram kong malinig an saimong konsyensya kaya dai ko itinugot na magkasala ka sako asin madotdot mo siya.

2 Mga Hade 24:2

An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

Salmo 17:8

Ingati ako siring sa alinawnaw kan saimong mata; sa lindong kan saimong mga pakpak ako tagoa;

Mga Talinhaga 7:2

Otoba an sakong mga pagboot asin mabubuhay ka. An sakong katukdoan ingatan mo arog kan pag-ingat mo sa saimong mga mata.

Isaias 49:19

“Totoong rinaot an saimong daga—alagad iyan magigin sadit na para sa mga tawong nagdadangadang nganing mag-erok diyan. Asin an mga nagraot saimo magigin harayo nin marahay saimo.

Jeremias 12:14

Nagtataram an Kagurangnan, “Igwa ako nin sasabihon manongod sa mga kataed nin Israel na nagraot kan daga na sakong itinao sa banwaan kong Israel. Hahaleon ko an mga maraot na tawong iyan sa sadiri nindang daga na garo ginabot na tinanom, asin ililigtas ko sa sainda an Juda.

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Ezekiel 25:12

Nagtaram an Kagurangnan Dios, “Huli ta nagbalos an Edom sa banwaan nin Juda, asin an pagbalos na iyan sarong makuring kasalan kan Edom,

Ezekiel 25:15

Nagtaram an Kagurangnan Dios, “Huli ta an mga Filisteo nagbalos nin makuri sa suanoy nindang mga kaiwal, asin ginadan ninda an mga ini sa saindang kaanggotan,

Ezekiel 26:2

“Aki nin tawo, nagtaram an Tiro manongod sa Jerusalem nin, ‘Rumpag na an Jerusalem! Mayo na an saiyang kosog sa negosyo! Mayo na kitang karibal!’

Ezekiel 26:20

Dangan ihuhulog taka sa kinaban nin mga gadan sa kaibahan kan mga tawong nabuhay kan suanoy na panahon. Mag-eerok ka diyan sa kaibahan kan mga gadan, sa tahaw kan suanoy na mga gaba. Huli kaiyan, dai ka na pag-eerokan, ni magkakaigwa nin lugar sa daga kan mga nabubuhay.

Ezekiel 35:5

“Danay na kaiwal ka nin Israel asin pinabayaan mong magkagaradan an mga namamanwaan diyan sa panahon nin saindang kasakitan, an panahon nin huring pagpadusa sainda huli kan saindang mga kasalan.

Ezekiel 36:11

Papadakulon ko an bilang kan mga tawo saka mga hayop. Magigin mas dakul sinda ki sa kaidto, asin magkakaigwa kamo nin dakul na aki. Mag-eerok kamo duman arog kaidtong panahon asin orog ko kamong papauswagon. Dangan maaaraman nindo na ako an Kagurangnan.

Ezekiel 38:11

Madesisyon kang salakayon an sarong mayong laban na banwaan, na an mga tawo matoninong asin matiwasay na namumuhay sa mga banwaan na mayo nin mga kudal o mga trangkahan.

Ezekiel 38:14

“Kaya, aki nin tawo, magpropesiya ka asin sabihan mo si Gog na ini an itinataram ko, an Kagurangnan Dios: “Mantang an sakuyang banwaan na Israel namumuhay na matoninong, maluwas ka,

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Amos 1:13

Nagtataram an Kagurangnan, “Paulit-ulit na nagkasala an mga taga Ammon, asin huli kaiyan, papadusahan ko sinda. Sa saindang pakigera tanganing mapadakula an saindang teritoryo, linaslas ninda an tulak kan mga babaeng bados sa Gilead,

Amos 1:9

Nagtataram an Kagurangnan, “Paulit-ulit na nagkasala an mga taga Tiro, asin huli kaiyan, papadusahan ko sinda. Dinara nindang bihag an sarong bilog na nasyon sa daga nin Edom. Dai ninda inotob an tipan nin pakikipagkatood na saindang ginibo.

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Mikas 5:6

Huli sa saindang kosog, masasakop ninda an Asiria, an daga ni Nimrod, asin ililigtas ninda kita sa mga taga Asiria sa panahon na salakayon kan mga ini an satong teritoryo.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Habakkuk 2:8

Sinamsaman nindo an mga taga ibang nasyon, alagad sasamsaman kamo kan mga matatadang buhay huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Sofonias 2:8

An Kagurangnan nin mga hukbo nagtataram, “Nadangog ko an pagtuyatuya asin pag-olog-olog kan mga taga Moab saka Ammon sa sakong banwaan, asin naghahambog sinda na sasakopon ninda an daga kaini.

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Zacarias 2:9

“An Kagurangnan mismo an makikilaban saindo, asin sasamsaman kamo kan banwaan na dati nindong mga sorogoon.” Kun mangyari na iyan, maaaraman kan gabos na an Kagurangnan nin mga hukbo iyo an nagsugo sako.

Zacarias 8:5

An mga tinampo mapapano nin nagkakarawat na mga aking lalaki saka babae.

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Mateo 25:45

Masimbag an Hade sainda, ‘Sa katotoohan sinasabihan ko kamo, an dai nindo ginibo sa saro kan mga pinakasadit na ini, dai man nindo ginibo sako.’

Juan 14:26

Alagad an Parasurog, an Espiritu Santo na ipapadara kan Ama sa ngaran ko, iyo an matukdo saindo kan gabos na bagay, dangan maparomdom saindo kan gabos na sinabi ko saindo.

Juan 17:18

Sinusugo ko sinda sa kinaban arog kan pagsugo mo sako sa kinaban.

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

Deuteronomio 32:10

“Nakua niya sindang naglalagalag sa desyerto, sarong mapungaw saka madoros na kalangtadan. Ilinigtas niya sinda asin inataman, namotan asin pinadangat nin marahay.

2 Tesalonica 1:6

Gigibohon nin Dios an tama; papasakitan niya an mga nagpapasakit saindo.

1 Juan 4:14

Nahiling mi saka ibinabareta mi sa iba na sinugo kan Ama an saiyang Aki tanganing magin Paraligtas kan gabos na tawo sa kinaban.