Zacarias 2:6 - Marahay na Bareta Biblia

^6-7 Tinaraman nin Kagurangnan an saiyang banwaan, “Iwinarak ko kamo sa gabos na direksyon, alagad dumulag kamo hale sa Babilonia asin bumalik kamo sa Jerusalem.

Zacarias 2:6 ပူးပေါင်းရင်းမြစ်များ

Genesis 19:17

Pakatapos, nagsabi an sarong anghel, “Dulag na kamo! Ligtasan an saindong buhay! Dai kamo magsalingoy asin dai kamo mag-ontok sa kapantayan. Magduman kamo sa kabubuldan tanganing dai kamo magadan.”

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 55:1

Nagsasabi an Kagurangnan, “Madya, kamo gabos na napapaha— uya an tubig! Madya, kamo na mayo nin kwarta— bakal asin kakan! Madya, bakal kamo nin arak saka gatas alagad mayo ini nin bayad!

Jeremias 1:14

Nagtaram siya sako, “Hale sa amihan, an karatan mabulos sa gabos na nag-eerok sa dagang ini,

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Jeremias 3:18

Makikiayon an Israel sa Juda, dangan magkaibahan na mabalik sinda hale sa amihan saka mag-eerok sa daga na itinao ko sa saindang mga ginikanan bilang pamana sagkod lamang.”

Jeremias 31:10

Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Jeremias 31:8

Dadarahon ko sinda hale sa amihan saka titiponon hale sa mga poro kan kinaban. Magigin kaiba ninda an mga buta saka mga pilay, an mga bados asin an mangangaki na. Mabalik sinda na sarong dakulang nasyon.

Jeremias 50:8

“Banwaan nin Israel, magdulag kamo hale sa Babilonia! Maghale kamo sa banwaan na iyan! Kamo an mangenot sa pagdulag!

Jeremias 51:45

Mga taga Israel, maghale kamo diyan! Iligtas nindo an saindong sadiri sa makuri kong kaanggotan.

Jeremias 51:50

Nagsasabi an Kagurangnan sa saiyang banwaan na nasa Babilonia: “Kamong mga nakadulag sa kagadanan, humale na kamo diyan. Dai na kamo maghalat! Maski nasa harayo kamo, giromdoma nindo ako, na saindong Kagurangnan, saka giromdoma nindo an Jerusalem.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Ezekiel 11:16

“Kaya taraman mo an kapwa mo itinapok kaining sinasabi ko. Ako an nagdara sainda tanganing mag-erok sa harayong mga nasyon asin ako an nagwarak sainda sa ibang mga daga. Alagad makakaibahan ninda ako sa mga daga na saindang dinumanan sa laog kan panahon na iyan.

Ezekiel 17:21

Magagadan sa gera an pinakamarahay niyang mga soldados, asin an mga matatada magkakawararak sa gabos na direksyon. Dangan maaraman nindo na ako, an Kagurangnan, an nagtaram.”

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Daniel 11:4

Alagad sa panahon nin kakosogan kan saiyang imperyo, mababanga iyan sa apat. An mga hade na bako niyang kapagarakian iyo an maghahade sa saiyang lugar, alagad dai sinda magigin mapangyari siring sa saiya.

Amos 9:9

“Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Mateo 24:31

Matanog nin makosog an trompeta, dangan susugoon niya an saiyang mga anghel sa pagtipon kan saiyang mga pinili hale sa apat na kanto kan kadagaan, poon sa sarong poro kan kinaban sagkod sa ibong na poro.

Markos 13:27

Susugoon niya an mga anghel tanganing tiponon an mga tawong pinili hale sa apat na kanto kan kadagaan poon sa sarong poro kan kinaban sagkod sa ibong na poro.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Kapahayagan 18:4

Dangan nakadangog ako nin saro pang tingog hale sa langit na nagsabi, “Lumuwas kamo, banwaan ko! Lumuwas kamo sa saiya, ta tibaad madamay kamo sa mga kasalan niya, ta tibaad madamay kamo sa mga pasakit saiya.

Ruth 4:1

Nagduman si Boaz sa may trangkahan kan banwa, sa lugar na pinagtitiriponan kan mga tawo, asin nagtukaw duman. Dai nahaloy, nag-agi an sinabi niyang pinakaharaning kadugo ni Elimelek. Inapod siya ni Boaz, “Katood, madya asin tukaw ngona digdi.” Kaya nagrani an inapod asin nagtukaw.