Zacarias 2:4 - Marahay na Bareta Biblia

⁴ An naenot na anghel nagsabi sa nagsabat saiya, “Magdalagan ka asin taraman mo an hoben na lalaking may kapot na pansukol na pisi na an Jerusalem pag-eerokan nin kadakul na tawo saka hayop. Magigin dakula iyan nin marahay asin dai na pwedeng kudalon.

Zacarias 2:4 ပူးပေါင်းရင်းမြစ်များ

Esther 9:19

Ini an dahelan kun tadaw ta pinagseselebrar kan mga Judio na nag-eerok sa saradit na mga banwa an ikakatorseng aldaw kan bulan nin Adar bilang sarong aldaw nin kaogmahan asin karakanan, aldaw nin pagtao nin regalo sa lambang saro.

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 49:20

Sarong aldaw masabi saimo an mga tawong nagkamurundag kan panahon nin pagkatapokan, ‘Sadit nang marahay an dagang ini— kaipuhan nyato an dakulang lugar na eerokan!’

Isaias 54:16

“Ako an naglalalang kan panday, na nagmamakot nin kalayo dangan minagibo nin mga armas. Ako man an naglalalang kan soldados, na naggagamit kan mga armas nganing manggadan.

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Jeremias 31:24

An mga tawo mag-eerok sa Juda asin sa gabos niyang banwa, siring man an mga paraoma asin an mga pastor kaiba an saindang mga karnero.

Jeremias 31:27

“Ako, an Kagurangnan, an nagsasabi na maabot an panahon na papanoon ko nin tawo saka hayop an daga nin Israel asin Juda.

Jeremias 33:22

Papadakulon ko an mga kapagarakian ni David na sakong sorogoon saka an mga Levita arog sa dai mabilang na mga bitoon asin sa dai mabilang na baybay kan dagat.”

Ezekiel 38:11

Madesisyon kang salakayon an sarong mayong laban na banwaan, na an mga tawo matoninong asin matiwasay na namumuhay sa mga banwaan na mayo nin mga kudal o mga trangkahan.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Mikas 7:11

Mga taga Jerusalem, nagdadangadang na an panahon kan pagpakarahay kan kudal kan saindong syudad. Sa panahon na iyan, papadakulaon an saindong teritoryo.

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 1:17

Sinabihan man ako kan anghel na magpahayag: “Nagtataram an Kagurangnan nin mga hukbo na magigin mauswag giraray an saiyang mga syudad asin tatabangan niya giraray an Jerusalem saka aakoon na sadiri niya.”

Zacarias 12:6

“Sa panahon na iyan, gigibohon ko an mga kamaganakan nin Juda na magin arog sa kalayo sa sarong kadlagan o sa sarong oma na madali nang anihon—raraoton ninda an gabos na nasyon sa palibot. An mga taga Jerusalem magdadanay na ligtas sa laog kan syudad.

Zacarias 14:12

An Kagurangnan madara nin makangirhat na mga peste sa gabos na nasyon na nakikilaban sa Jerusalem. Maglalapa an saindang kublit maski buhay pa sinda; sagkod an saindang mga mata saka dila maglalapa.

1 Timoteo 4:12

Dai mo pagtugotan an siisay man na pagbasang-basangon an saimong pagkanihoben, kundi magin kang arogan kan mga paratubod sa saimong pagtaram, sa gibo, sa pagkamoot, pagtubod, saka kabinian.