Zacarias 2:12 - Marahay na Bareta Biblia

¹² An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Zacarias 2:12 ပူးပေါင်းရင်းမြစ်များ

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

Esther 6:13

Inosip niya sa saiyang agom na si Zeres asin sa gabos niyang katood an gabos na nangyari saiya. Dangan nagsabi an madonong niyang mga katood saka an agom niyang si Zeres, “Nagpoon nang makua ni Mardokeo an saimong kapangyarihan. Saro siyang Judio, asin dai mo siya madadaog. Dadaogon ka nanggad niya.”

Salmo 105:15

Nagtaram siya, “Dai nindo pagdutaan an sakong mga linahidan; an sakong mga propeta dai nindo pagkulogan.”

Salmo 132:13

Huli ta an Sion pinili nin Kagurangnan; minawot niyang ini an magin saiyang erokan:

Salmo 132:14

“Ini iyo an sakuyang pahingaloan sagkod pa man; digdi ako maerok, huli ta ini an sakong kamawotan.

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 33:12

Paladan an nasyon na an Dios iyo an Kagurangnan, an banwaan na saiyang pinili bilang pamana niya.

Salmo 82:8

Bumangon ka, O Dios, asin hukoman mo an kinaban; huli ta sadiri mo an gabos na nasyon.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 17:14

Sinda an dahelan nin takot pagkabanggi, alagad pagkaaga, mayo na sinda. Iyan an nangyayari sa kiisay man na masamsam kan satong daga.

Isaias 41:9

Kinua taka hale sa mga poro kan daga; inapod taka hale sa pinakaharayong mga kanto kaini asin sinabihan, ‘Ika an sakong sorogoon.’ Dai taka isinikwal kundi pinili.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 30:16

Alagad ngunyan, hahalonon an gabos na naghahalon saindo, asin an gabos nindong kaiwal dadarahon bilang mga bihag. An gabos na nag-aapi saindo aapihon asin an gabos na nananamsam saindo sasamsaman.

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Zacarias 1:17

Sinabihan man ako kan anghel na magpahayag: “Nagtataram an Kagurangnan nin mga hukbo na magigin mauswag giraray an saiyang mga syudad asin tatabangan niya giraray an Jerusalem saka aakoon na sadiri niya.”

Zacarias 3:2

Sinabihan kan anghel nin Kagurangnan si Satanas, “Kondenaron ka logod nin Kagurangnan, Satanas! Kondenaron ka logod nin Kagurangnan na namomoot sa Jerusalem. An lalaking ini nakakaarog sa sarong sanga na inagaw sa kalayo.”

Deuteronomio 32:10

“Nakua niya sindang naglalagalag sa desyerto, sarong mapungaw saka madoros na kalangtadan. Ilinigtas niya sinda asin inataman, namotan asin pinadangat nin marahay.

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.