Zacarias 2:11 - Marahay na Bareta Biblia

¹¹ Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Zacarias 2:11 ပူးပေါင်းရင်းမြစ်များ

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Exodo 12:49

Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 48:16

“Ngunyan dumolok kamo sako asin dangoga an sakong sinasabi. Poon sa kapinonan dai ako nagtaram sa hilom, asin pinapangyari ko an sakong mga tataramon.” (Asin ngunyan itinao sako nin Kagurangnan Dios an saiyang kapangyarihan dangan sinugo niya ako.)

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 50:8

“Banwaan nin Israel, magdulag kamo hale sa Babilonia! Maghale kamo sa banwaan na iyan! Kamo an mangenot sa pagdulag!

Ezekiel 33:33

Alagad kun magkatotoo na an gabos mong itinaram—asin magkakatotoo mananggad iyan—dangan maaaraman ninda na igwa nin sarong propeta sa tahaw ninda.”

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Zacarias 3:10

Pag-abot kan aldaw na iyan, aalokon kan lambang saro saindo an saiyang kanatad na makisumaro saindo sa kaogmahan huli kan katoninongan asin katiwasayan, sa lindong kan saindong mga ubasan saka mga kahoy na higera.”

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Juan 17:21

Ipinapamibi kong magkasararo logod sinda gabos; siring na ika, Ama, yaon sako asin ako yaon saimo, asin sinda man magin saro sa satuya, tanganing magtubod an kinaban na sinugo mo ako.

Juan 17:23

ako yaon sainda, ika yaon sako, nganing sinda magin saro nanggad. Sa paaging ini maaaraman kan kinaban na sinugo mo ako asin namomotan mo sinda siring kan pagkamoot mo sako.

Juan 17:25

O Amang matanos, dai ka midbid kan kinaban, alagad midbid taka; aram kan mga ini na sinugo mo ako.

Mga Gibo 28:28

Nagsabi pa si Pablo, “Kaya, dapat nindong maaraman na an mensahe nin Dios dapit sa kaligtasan ipinadara sa mga pagano; mahinanyog sinda!” [

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”