Zacarias 2:10 - Marahay na Bareta Biblia

¹⁰ Nagtaram an Kagurangnan, “Pag-awit kamo sa kaogmahan, mga taga Jerusalem! Maabot na ako tanganing mag-erok sa kaibahan nindo!”

Zacarias 2:10 ပူးပေါင်းရင်းမြစ်များ

Salmo 40:7

Dangan ako nagsabi, “Uya ako; mga katukdoan mo para sako nasusurat sa libro.

Salmo 68:18

Tinutukad niya an halangkaw na bukid, dara an dakul na bihag; minaako siya nin mga regalo maski an mga gikan sa masombikal na tawo. Duman maerok an Kagurangnan Dios.

Exodo 29:45

Mag-eerok ako sa kaibahan kan banwaan nin Israel, asin ako an magigin Dios ninda.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 37:22

na an Kagurangnan nagsabing, “Pinagngingisihan ka, Senakerib, kan syudad nin Jerusalem, asin pinag-oolog-olog.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Isaias 54:1

Jerusalem, kaidto siring ka sa babaeng mayo nin aki, alagad pwede ka nang mag-awit ngunyan asin magkurahaw sa kaogmahan. Huli ta magkakaigwa ka na nin dakul na kaakian ki sa babaeng igwa nin agom!

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 66:14

Kun mahiling na nindo na nangyayari ini, maoogma kamo; ini an magpapakosog asin magpapataba saindo. Dangan maaaraman nindo na ako, an Kagurangnan, an nagtatabang sa mga nagkukuyog sako, asin ipinapahiling ko an sakong kaanggotan tumang sa sakong mga kaiwal.”

Jeremias 30:19

An mga nag-eerok duman mag-aawit nin pag-omaw; magkukurahaw sinda sa kaogmahan. Huli kan sakong bendisyon madakul sinda sa bilang; an sakong bendisyon matao sainda nin kaomawan.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Ezekiel 37:27

Mag-eerok ako sa kaibahan ninda; ako an magigin Dios ninda asin sinda an magigin banwaan ko.

Ezekiel 48:35

An kahalabaan kan kudal sa apat na lado kan syudad kaipuhan nuebe mil metros. Poon ngunyan an ngaran kan syudad magigin “An Kagurangnan Uya Digdi!”

Levitico 26:12

Iibahan ko kamo; ako an saindong magigin Dios asin kamo an magigin banwaan ko.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 14:5

An kapantayan na ini na minabanga kan bukid iyo an saindong aagihan sa pagdulag. Madulag kamo arog kan mga ginikanan nindo kan maglinog sa panahon ni Hadeng Uzzias nin Juda. Dangan madatong an Kagurangnan na sakong Dios, kaiba an gabos niyang mga anghel.

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

Kapahayagan 2:1

“Suratan mo an anghel kan simbahan sa Efeso: “Iyo ini an mensahe kan nagkakapot nin pitong bitoon sa too niyang kamot, kan naglalakaw sa tahaw kan pitong kandelerong bulawan.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.