Zacarias 14:3 - Marahay na Bareta Biblia

³ Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Zacarias 14:3 ပူးပေါင်းရင်းမြစ်များ

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Isaias 29:7

Dangan an gabos na hukbo kan mga nasyon na nagsasalakay sa syudad nin altar nin Dios, an saindang mga armas saka kagamitan—an gabos—mapapara siring sa sarong pangatorogan, siring sa sarong bisyon sa banggi.

Joel 3:2

Titiponon ko an gabos na nasyon asin dadarahon ko sinda sa Kapantayan nin Paghukom. Huhukoman ko sinda duman huli kan gabos na ginibo ninda sa sakong banwaan. Iwinarak ninda an mga Israelita sa dayuhan na mga nasyon asin binanga ninda an Israel, an sakong daga.

Sofonias 3:19

Maabot an panahon na papadusahan ko an nag-api saimo; ililigtas ko an mga lopog asin ibabalik ko sa saindang mga harong an mga itinapok. An saindang kasosopgan riribayan ko nin kaomawan asin kabantogan sa bilog na daga.

Zacarias 12:9

Sa panahon na iyan, roronoton ko an arin man na nasyon na maghingowang salakayon an Jerusalem.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.

Josue 10:14

Dai pa lamang nangyari asin dai na liwat mangyayari an siring na aldaw na an Kagurangnan nagkuyog sa sarong tawo. Nakilaban an Kagurangnan para sa Israel.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.