Zacarias 13:4 - Marahay na Bareta Biblia

⁴ Pag-abot kan panahon na iyan, mayong propetang magpapaabaw-abaw huli kan saiyang mga bisyon o mamumuhay arog sa gawe nin sarong propeta o magsusulot kan mabalukag na gubing nin sarong propeta tanganing mandaya nin mga tawo.

Zacarias 13:4 ပူးပေါင်းရင်းမြစ်များ

2 Mga Hade 1:8

“Nakasulot siya nin gubing na gibo sa mga anit nin hayop asin nakahabay nin anit,” an simbag ninda. “Si Elias idto!” an sabi kan hade.

Isaias 20:2

Tolong taon na an nakalihis kan sabihan nin Kagurangnan si Isaias na aking lalaki ni Amoz, na hukason an saiyang sandalyas asin an sulot niyang sako. Nagkuyog siya asin naglakaw na huba saka mayo nin sandalyas.

Jeremias 2:26

Nagsasabi an Kagurangnan, “Arog kan mahabon na sinosopog kun nadadakop, kamong banwaan nin Israel sosopogon man—an saindong mga hade saka mga opisyal, an saindong mga padi saka mga propeta.

Jeremias 6:15

Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Mateo 3:4

An gubing ni Juan gibo sa mga buhok nin kamelyo, may hagkos siyang anit. An kakanon niya doron asin dugos.

Markos 1:6

An gubing ni Juan hinabol na buhok nin kamelyo saka may hagkos siyang anit; an kinakakan niya doron asin dugos.

Hebreyo 11:37

Ginapo sinda, binaak nin lagadi an saindang hawak, o ginadan sa espada. May naglagaw-lagaw na nakagubing kan anit nin karnero saka kanding—dukha, pinasakitan, saka inapi.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”