Zacarias 13:3 - Marahay na Bareta Biblia

³ Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Zacarias 13:3 ပူးပေါင်းရင်းမြစ်များ

Jeremias 23:25

Nadangog ko an sinabi kan mga propeta na nagpopropesiya nin kaputikan sa sakong ngaran saka nagsasabi na tinawan ko sinda kan sakong mensahe sa saindang mga pangatorogan.

Jeremias 23:34

Kun saro sa sakong banwaan o sarong propeta o sarong padi an maggamit kan mga tataramon na ‘an pasanon nin Kagurangnan’, papadusahan ko siya sagkod an saiyang pamilya.

Jeremias 28:15

Sinabihan ko pa si Ananias, “Paghinanyog, Ananias! Dai ka sinugo nin Kagurangnan alagad pinapatubod mo an mga tawong ini sa sarong kaputikan.

Ezekiel 13:23

Kaya ngunyan, tapos na an saindong bakong totoong mga bisyon asin nakakaribong na pahayag manongod sa maabot na panahon. Ililigtas ko an sakong banwaan sa irarom kan saindong kapangyarihan, tanganing maaraman nindo na ako an Kagurangnan.”

Ezekiel 14:9

“Kun an sarong propeta nadagkang magtao nin salang kasimbagan, nangyari iyan huli ta ako, an Kagurangnan, an nagdagka saiya. Hahaleon ko siya sa sakuyang banwaan nin Israel.

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.

Lukas 14:26

“An magdolok sako dai magigin disipulo ko kun orog na namomotan niya ki sa sako an saiyang ama, ina, agom, mga aki, mga tugang, asin an sadiri niyang buhay.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Deuteronomio 33:9

Pinaorog ka niya ki sa saiyang ama asin ina, ki sa mga tugang asin mga aki niya. Kinuyog kan mga Levita an saimong mga kabotan, inotob ninda an saimong tipan.