Zacarias 12:8 - Marahay na Bareta Biblia

⁸ Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Zacarias 12:8 ပူးပေါင်းရင်းမြစ်များ

Salmo 8:5

Alagad ginibo mo siyang hababang kadikit sa mga anghel. Kinoronahan mo siya nin kamurawayan asin kaomawan.

Salmo 82:6

Ako nagtataram, ‘Kamo mga dios, kamo gabos mga aking lalaki kan Kahorohalangkawe.’

Exodo 14:19

An anghel nin Dios na nasa enotan kan hukbo nin Israel nagpahurihan. Nagpahurihan man an hariging panganoron sa mga Israelita dangan nag-ontok

Exodo 33:2

Susugoon ko an sarong anghel na mangengenot saindo, asin isusubol ko paluwas an mga Cananeo, Amoreo, Heteo, Perezeo, Heveo saka Jebuseo.

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Isaias 33:24

Mayo nin siisay man na nag-eerok sa satong daga na mag-aagrangay na siya naghehelang, asin papatawadon an gabos na kasalan.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Jeremias 27:10

Dinadaya ninda kamo asin magigin dahelan iyan tanganing iharayo kamo sa saindong daga. Aalawon ko kamo asin mapapahamak kamo.

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Oseas 12:3

An saindang ginikanan na si Jacob nakipaggumolan sa kakambal niyang si Esau kan sinda nasa tulak pa kan saindang ina; kan dakula na si Jacob, nakilaban siya tumang sa Dios—

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Joel 3:10

Pulpoga an poro kan saindong mga arado tanganing magin mga espada asin an saindong mga pantakras na kutsilyo tanganing magin mga garod. Maski an mga maluya kaipuhan makilaban.

Levitico 26:8

an lima sa saindo makakadaog nin sanggatos asin an sanggatos saindo makakadaog nin sampolong ribo.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mikas 7:16

Mahihiling ini kan mga nasyon asin masosopog sinda, huli ta makokosog sinda. Sa katakotan, titikomon ninda an saindang mga ngoso asin tatahoban an saindang mga talinga.

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Zacarias 10:7

Magigin makosog arog sa mga soldados an banwaan nin Israel, maogma, siring sa mga lalaking nakainom pa sana nin arak. An kapangganahan na ini magigiromdoman kan saindang mga kapagarakian asin maoogma sinda huli kan ginibo nin Kagurangnan.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Zacarias 9:8

Babantayan ko an sakong daga asin dai ako matugot na pag-agihan iyan nin mga soldados. Dai na ako matugot na apihon giraray an sakong banwaan, huli ta nahiling ko kun paano sinda nagtios.”

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Roma 9:5

Gikan sinda sa bantog na mga Patriarka; sa rasa ninda gikan si Cristo kan siya magin tawo. Pag-omawon sagkod pa man an Dios na nagsasakop kan gabos! Amen.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hebreyo 11:34

sinigbo ninda an naglalaad na kalayo, patin nadulagan ninda an kagadanan sa espada. Mga maluya sinda, alagad nagin mga makosog; mapangyari sinda sa ralaban saka nadaog ninda an mga hukbo kan mga dayuhan.

Josue 23:10

Maski siisay saindo pwedeng makapadulag nin sangribong tawo, huli ta an Kagurangnan iyo an nakikilaban para saindo, siring sa saiyang panuga.

Kapahayagan 22:13

Ako an Alfa asin Omega, an enot asin an huri, an kapinonan saka an kataposan.”

Kapahayagan 22:16

“Ako, si Jesus, an nagsugo kan sakong anghel na magpahayag kan mga bagay na ini saindo sa mga simbahan. Gikan ako sa pamilya ni David; ako an maliwanag na bitoon na makaaga.”