Zacarias 12:6 - Marahay na Bareta Biblia

⁶ “Sa panahon na iyan, gigibohon ko an mga kamaganakan nin Juda na magin arog sa kalayo sa sarong kadlagan o sa sarong oma na madali nang anihon—raraoton ninda an gabos na nasyon sa palibot. An mga taga Jerusalem magdadanay na ligtas sa laog kan syudad.

Zacarias 12:6 ပူးပေါင်းရင်းမြစ်များ

Isaias 54:3

Huli ta papadakulaon mo an saimong daga sa gabos na direksyon; makukua giraray kan saimong namamanwaan an daga na sinakop kan ibang nasyon. Mapapano nin tawo an mga syudad na mayo nin nag-eerok ngunyan.

Isaias 9:20

Saen man na lugar inaagaw dangan kinakakan kan mga tawo an anoman na pagkakan na saindang makua, alagad dai sinda nababasog. Maski an sadiri nindang mga aki, saindang kinakakan!

Jeremias 30:18

Nagtataram an Kagurangnan, “Ibabalik ko an sakong banwaan sa saindang daga saka maheherakan ko an lambang pamilya; papatindogon giraray an Jerusalem asin an palasyo ibabalik sa dating lugar.

Obadias 1:18

An banwaan ni Jacob saka ni Jose magigin arog sa kalayo; tutunawon ninda an banwaan ni Esau, siring kan pagsulo sa dagami. Mayong matatada sa mga kapagarakian ni Esau. Ako, an Kagurangnan, an nagtaram.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 11:1

Bukasi an saimong mga pintoan, Lebanon, tanganing masulo kan kalayo an saimong mga kahoy na sedro!

Zacarias 12:5

Dangan masaboot an mga kamaganakan nin Juda, ‘Pinapakosog kan Kagurangnan nin mga hukbo, an saiyang banwaan na nag-eerok sa Jerusalem.’

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Zacarias 2:4

An naenot na anghel nagsabi sa nagsabat saiya, “Magdalagan ka asin taraman mo an hoben na lalaking may kapot na pansukol na pisi na an Jerusalem pag-eerokan nin kadakul na tawo saka hayop. Magigin dakula iyan nin marahay asin dai na pwedeng kudalon.

Zacarias 9:15

Iingatan kan Kagurangnan nin mga hukbo an saiyang banwaan, asin roronoton ninda an saindang mga kaiwal. Magkukurahaw sinda sa ralaban arog sa burat na mga lalaki asin papabuloson ninda an dugo kan saindang mga kaiwal; mabulos iyan siring sa dugo nin sarong sakripisyo na inula sa altar hale sa sarong mangko.

2 Corinto 6:7

kan samong paghulit kan katotoohan, saka kan kapangyarihan nin Dios. An katanosan an ginagamit ming armas sa too asin sa walang kamot.

Kapahayagan 20:9

Naglakop sinda sa kadagaan dangan pinalibotan ninda an kampo kan mga banal, asin an syudad na namomotan nin Dios. Alagad may kalayong nagdatong hale sa langit na tuminunaw sainda.