Zacarias 12:5 - Marahay na Bareta Biblia

⁵ Dangan masaboot an mga kamaganakan nin Juda, ‘Pinapakosog kan Kagurangnan nin mga hukbo, an saiyang banwaan na nag-eerok sa Jerusalem.’

Zacarias 12:5 ပူးပေါင်းရင်းမြစ်များ

Salmo 144:1

Pag-omawon an Kagurangnan, sakong gapo na sinasarigan, sa pakigera ako saiyang tinutukdoan, sa pakilaban ako saiyang inaandam.

Salmo 18:32

Siya an Dios na minatao nin kosog sa sako, minapatiwasay kan sakong dalan.

Salmo 18:39

Pinakosog mo ako sa pakikilaban; an mga kaiwal ko tinumba mo sa sakong pamitisan.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 1:26

Dangan ibabalik ko an saimong mga hukom siring kaidto, asin man an saimong mga parahatol siring sa kapinonan. Dangan aapodon kang syudad nin katanosan, an maimbod na syudad.”

Isaias 28:5

Sa aldaw na iyan, an Kagurangnan nin mga hukbo makakaagid sa sarong mamurawayon na korona nin burak para sa saiyang banwaan na nagkatarada.

Isaias 28:6

Siya an matao kan espiritu nin hustisya sa mga naglilingkod bilang mga hukom, asin kan kosog nin boot sa mga nagbabantay kan syudad sa anoman na pagsalakay.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 32:1

Maabot an panahon na magkakaigwa nin hade na mamamayo sa katanosan, asin mga lider na mamamayo sa hustisya.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Isaias 60:17

“Bulawan embes na bronse an dadarahon ko saimo, plata saka bronse embes na lansang asin kahoy, dangan lansang embes na gapo. Dai ka na nanggad aapihon kan saimong mga namamayo; papaghadeon ko sinda sa hustisya saka sa katoninongan.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Jeremias 33:26

Siring na ginibo ko nanggad ini, siring man papadanayon ko an sakong tipan sa mga kapagarakian ni Jacob asin ni David na sakong sorogoon. Pipilion ko an saro sa mga kapagarakian ni David tanganing paghadean an mga kapagarakian ni Abraham, Isaac, asin ni Jacob. Maheherakan ko an sakong banwaan saka papauswagon ko giraray sinda.”

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Zacarias 12:4

Sa panahon na iyan, tatakoton ko an gabos nindang kabayo asin riribongon ko an mga nakalunad diyan. Babantayan ko an banwaan nin Juda, alagad bubutahon ko an mga kabayo kan saindang mga kaiwal.

Zacarias 12:6

“Sa panahon na iyan, gigibohon ko an mga kamaganakan nin Juda na magin arog sa kalayo sa sarong kadlagan o sa sarong oma na madali nang anihon—raraoton ninda an gabos na nasyon sa palibot. An mga taga Jerusalem magdadanay na ligtas sa laog kan syudad.

Zacarias 14:14

Makikilaban an mga taga Juda tanganing surogon an Jerusalem. Dangan titiponon ninda an kayamanan kan gabos na nasyon—bulawan, plata, asin gubing na kadakul nin marahay.

Hukom 5:9

Nasa mga pamayo nin Israel an puso ko, asin nasa mga tawong nag-iriba na may kaogmahan. Pag-omawon an Kagurangnan!