Zacarias 12:3 - Marahay na Bareta Biblia

³ Alagad pag-abot kan panahon na iyan, an Jerusalem gigibohon kong arog sa sarong magabat na gapo—an arin man na nasyon na maghingowang alsahon iyan makukulogan. Pagsasaroon kan gabos na nasyon sa kinaban an saindang kosog tanganing salakayon an Jerusalem.

Zacarias 12:3 ပူးပေါင်းရင်းမြစ်များ

Isaias 60:12

Alagad rurumpagon an mga nasyon na dai naglilingkod saimo.

Obadias 1:18

An banwaan ni Jacob saka ni Jose magigin arog sa kalayo; tutunawon ninda an banwaan ni Esau, siring kan pagsulo sa dagami. Mayong matatada sa mga kapagarakian ni Esau. Ako, an Kagurangnan, an nagtaram.

Mikas 5:15

Dangan sa labi-labi kong kaanggotan mabalos ako sa mga nasyon na dai nagkuyog sa sako.”

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Sofonias 3:19

Maabot an panahon na papadusahan ko an nag-api saimo; ililigtas ko an mga lopog asin ibabalik ko sa saindang mga harong an mga itinapok. An saindang kasosopgan riribayan ko nin kaomawan asin kabantogan sa bilog na daga.

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Zacarias 12:11

Sa panahon na iyan, an pagtangis sa Jerusalem makakaarog sa pagtangis para ki Hadad-rimmon sa kapantayan nin Megiddo.

Zacarias 12:4

Sa panahon na iyan, tatakoton ko an gabos nindang kabayo asin riribongon ko an mga nakalunad diyan. Babantayan ko an banwaan nin Juda, alagad bubutahon ko an mga kabayo kan saindang mga kaiwal.

Zacarias 12:6

“Sa panahon na iyan, gigibohon ko an mga kamaganakan nin Juda na magin arog sa kalayo sa sarong kadlagan o sa sarong oma na madali nang anihon—raraoton ninda an gabos na nasyon sa palibot. An mga taga Jerusalem magdadanay na ligtas sa laog kan syudad.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Zacarias 14:13

Sa panahon na iyan, riribongon sinda nin Kagurangnan, kaya dadakopon kan lambang saro an saiyang kataed dangan kukulogon.

Zacarias 14:6

Pag-abot kan panahon na iyan, dai na magkakaigwa nin lipot o yelo,

Mateo 21:44

An siisay man na mahulog sa gapong ini magkakabaraak; an siisay man na mahulogan kan gapo, maroronot siring sa alpog.”)

Lukas 20:18

An siisay man na mahulog sa ibabaw kan gapong ini magkakabaraak; alagad an siisay man na mahulogan kan gapong ini maroronot.”

Kapahayagan 16:14

Sinda an mga espiritu kan mga demonyo na nagpapahiling nin mga milagro. Dinuduman kan tolong espiritung ini an gabos na hade sa bilog na kinaban tanganing tiponon sinda para sa gera pag-abot kan dakulang Aldaw kan Dios na Makakamhan.