Zacarias 11:6 - Marahay na Bareta Biblia

⁶ Nagtaram an Kagurangnan, “Dai na ako maheherak sa kiisay man sa kinaban. Ako mismo an mabugtak kan gabos na banwaan sa kapangyarihan kan saindang mga pamayo. An mga pamayong ini an maraot kan kinaban, asin dai ko iyan ililigtas sa saindang kapangyarihan.”)

Zacarias 11:6 ပူးပေါင်းရင်းမြစ်များ

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Isaias 3:5

Dangan aapihon kan lambang saro an saiyang kapwa, an lambang tawo mang-aapi kan saiyang kataed. An mga hoben magigin matumang sa saindang mga kamagurangan, asin an mga mayong halagang tawo sa mga ginagalangan.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Mga Panambitan 5:8

Mga oripon an namamayo samo; mayo nin maligtas samo sa saindang kapangyarihan.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Ezekiel 9:10

Alagad dai ko sinda paliligtason o maheherakan; gigibohon ko sainda an ginibo ninda sa iba.”

Oseas 1:6

Nagbados giraray si Gomer dangan nangaki nin sarong babae. Sinabihan nin Kagurangnan si Oseas, “Ngaranan mo siyang ‘Dai Namotan,’ huli ta dai na ako mamomoot sa mga Israelita asin dai ko na sinda papatawadon.

Oseas 2:10

Huhubaan ko siya sa atubang kan mga lalaking namomoot saiya, asin mayo nin siisay man na pwedeng magligtas saiya sa sakong kapangyarihan.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mikas 6:14

Makakan ka alagad dai mababasog—sa katotoohan padagos kang magugutom. Magsasaray ka, alagad dai mo iyan mapapakinabangan; an anoman na saimong sarayon raraoton ko sa gera.

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Zacarias 11:14

Dangan binari ko an ikaduwang sugkod, an inapod kong “Pagkasararo,” asin nawara an pagkasararo kan mga taga Juda saka kan mga taga Israel.

Zacarias 11:5

Ginagadan sinda kan saindang mga kagsadiri asin an mga ini dai napapadusahan. Ipinapabakal ninda an karne dangan minasabi sinda, ‘Pag-omawon an Kagurangnan! Mayaman na kami!’ Maski an nagpapastor sainda dai naheherak sa sainda.” (

Zacarias 11:9

Dangan sinabihan ko an mga karnero, “Habo na akong magin pastor nindo. Pabayae nindong magadan an magagadanon. Pabayae nindong maronot an maroronoton. An mga matada pabayae nindong maggaradanan.”

Zacarias 14:13

Sa panahon na iyan, riribongon sinda nin Kagurangnan, kaya dadakopon kan lambang saro an saiyang kataed dangan kukulogon.

Zacarias 8:10

Bago kan panahon na idto, mayo nin siisay man na pwedeng magtandan nin mga tawo o mga hayop, asin mayo nin ligtas sa saiyang mga kaiwal; huli ta pinangyari kong magralaban an lambang saro.

Malakias 4:6

Gigibohon niyang magharani giraray an boot kan mga mag-arama; kun dai niya iyan magibo, ako na an madatong sa pagraot kan daga.”

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Mateo 22:7

Huli kaini naanggot an hade, kaya sinugo niya an mga soldados na gadanon idtong mga kriminal, saka suloon an saindang syudad.

Mateo 24:10

Sa panahon na iyan, dakul an mawawaraan kan saindang pagtubod; an lambang saro magpapasaluib asin maoongis sa saiyang kapwa.

Juan 19:15

Alagad nagkurahaw sinda, “Gadanon siya! Gadanon siya! Ipako siya sa krus!” Hinapot sinda ni Pilato, “Boot nindong ipako ko sa krus an saindong hade?” Nagsimbag an mga poon na padi, “Mayo kami nin ibang hade kundi si Cesar!”

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.