Zacarias 11:16 - Marahay na Bareta Biblia

¹⁶ Nagbugtak ako nin sarong pastor na mamamahala kan sakong mga karnero, alagad dai niya tinatabangan an karnero na nasa kapahamakan; dai man niya hinahanap an nawara, o binobolong an nalugadan, o pinapakakan an mga natada. Kundi kinakakan niya an karne kan pinakamatabang karnero asin hinahale niya an mga kuku kaini.

Zacarias 11:16 ပူးပေါင်းရင်းမြစ်များ

Genesis 31:38

Sa laog nin beynteng taon yaon ako sa kaibahan mo; mayong naghulos minsan saro kan saimong babaeng karnero o kanding; asin minsan saro kan saimong hayop dai ko kinakan.

Genesis 33:13

Alagad nagsimbag si Jacob, “Aram mo man sana na maluluya pa an mga aki, asin kaipuhan na mangnohon ko an mga ogbon kan karnero saka baka patin an saindang ina. Kun manganaan an mga hayop sa saindang paglakaw sa sarong aldaw, magagadan sinda gabos.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Jeremias 23:2

Iyo ini an itinaram nin Kagurangnan, an Dios nin Israel, manongod sa mga pamayo na dapat kutana nag-aataman kan saiyang banwaan: “Dai nindo inataman an banwaan ko; iwinarak nindo sinda saka isinubol sa harayo. Papadusahan ko kamo ngunyan huli kan karatan na saindong ginibo.

Jeremias 23:22

Kun aram ninda an hilom kong mga kaisipan, ikinahulit kutana ninda an mensahe ko sa sakong banwaan. Napatalikod kutana ninda an sakong banwaan sa maraot na pamumuhay saka sa mga karatan na ginigibo kaini.

Ezekiel 34:10

Ini an tataramon ko, an Kagurangnan Dios: Kalaban ko kamo. Hahaleon ko saindo an sakong mga karnero asin bako na kamo an mag-aataman sainda. Ililigtas ko sa kamot nindo an sakong mga karnero tanganing dai nindo sinda makakan.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Ezekiel 34:21

Sinusuag nindo an mga may helang sagkod na mapaharayo sa saindang kairiba.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Juan 10:1

“Sa katotoohan sinasabihan ko kamo, an tawong minalaog sa toril na dai minaagi sa pintoan kundi minasakat sa kudal, sarong parahabon asin tulisan.