Zacarias 11:14 - Marahay na Bareta Biblia

¹⁴ Dangan binari ko an ikaduwang sugkod, an inapod kong “Pagkasararo,” asin nawara an pagkasararo kan mga taga Juda saka kan mga taga Israel.

Zacarias 11:14 ပူးပေါင်းရင်းမြစ်များ

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Santiago 3:16

Huli ta kun haen an pag-ori asin kapasloan, yaon man an karibokan saka gabos na karatan.

Santiago 3:14

Alagad kun sa puso nindo igwa nin pag-ori, kapaitan saka kapasloan, dai kamo mag-orgulyo asin dai kamo magkasala sa katotoohan.

Galacia 5:15

Alagad kun garo kamo mga hayop na nagdudurulakan, mapapahamak kamo gabos. Kaya mag-ingat kamo.

Mateo 24:10

Sa panahon na iyan, dakul an mawawaraan kan saindang pagtubod; an lambang saro magpapasaluib asin maoongis sa saiyang kapwa.

Zacarias 11:9

Dangan sinabihan ko an mga karnero, “Habo na akong magin pastor nindo. Pabayae nindong magadan an magagadanon. Pabayae nindong maronot an maroronoton. An mga matada pabayae nindong maggaradanan.”

Zacarias 11:7

Inalok ako kan mga tawong nagbabakal saka nagpapabakal nin karnero, kaya nagin pastor ako kan mga karnero na bubunoon. Nagkua ako nin duwang sugkod; an saro inapod kong “Biyaya” asin an ikaduwa inapod kong, “Pagkasararo.” Dangan inataman ko an mga karnero.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Zacarias 11:6

Nagtaram an Kagurangnan, “Dai na ako maheherak sa kiisay man sa kinaban. Ako mismo an mabugtak kan gabos na banwaan sa kapangyarihan kan saindang mga pamayo. An mga pamayong ini an maraot kan kinaban, asin dai ko iyan ililigtas sa saindang kapangyarihan.”)

Ezekiel 37:22

Sasaroon ko sinda bilang saro sanang nasyon sa daga, sa kabukidan nin Israel. Magkakaigwa sinda nin saro sanang hade na mamamayo sainda, asin dai na sinda mababanga sa duwang nasyon o sa duwang kahadean.

Markos 3:24

Kun an sarong kahadean nababanga, an kahadean na iyan dai magdadanay.