Zacarias 11:12 - Marahay na Bareta Biblia

¹² Sinabihan ko sinda, “Kun boot nindo, itao nindo sako an sweldo ko; alagad kun habo kamo, saindo na.” Kaya binayadan ninda ako nin treyntang pedaso nin plata bilang sweldo ko.

Zacarias 11:12 ပူးပေါင်းရင်းမြစ်များ

Genesis 23:16

Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

Genesis 37:28

Kan mag-agi an mga negosyanteng Midianita, hinawas sa bubon si Jose kan magturugang dangan ipinabakal sa mga negosyante sa halagang beynteng pedaso nin plata. Dinara si Jose kan mga negosyanteng Ismaelita sa Egipto.

1 Mga Hade 21:2

Sarong aldaw, nagsabi si Ahab ki Nabot, “Tawan sako an saimong ubasan; harani ini sa sakong palasyo, asin boot kong gibohon na tatamnan nin mga gulayon. Riribayan taka nin mas marahay na ubasan, o kun boot mo, babayadan taka kan tamang halaga kaiyan.”

1 Mga Hade 5:6

Kaya magpadara ka sa Lebanon nin mga lalaki tanganing magpulak nin mga sedro para sako. Babayadan ko an saimong mga tawohan kan kantidad na sabihon mo. Matabang sana sainda an sakong mga tawohan huli ta aram mong mayo kaming mga marahay na parapulak nin kahoy arog kan mga taga Sidon.”

2 Mga Cronica 30:4

Ikinaogma kan hade asin kan banwaan an saindang plano,

Exodo 21:32

Kun an sarong oripon na lalaki o babae nagadan sa suag kan baka, an kagsadiri kan baka mabayad nin treyntang pedaso nin plata sa kagurangnan kan oripon, asin gagapoon an baka sagkod na magadan.

Jeremias 32:9

Binakal ko ki Hanamel an oma saka tinimbang ko saiya an kwarta; an oma nag-abot sa kantidad na dyes y syeteng pedaso nin plata.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 26:15

asin nagsabi, “Pira an ibabayad nindo sako kun itao ko saindo si Jesus?” Asin binayadan ninda siya nin treyntang pedaso nin kwartang plata.

Mateo 27:10

asin ibinakal kan oma kan paragibo nin koron, sosog sa ipinagboot sako nin Kagurangnan.”

Mateo 27:9

Dangan naotob an itinaram ni Propeta Jeremias, “Kinua ninda an treyntang pedaso nin kwartang plata, an kantidad na pinagkaoroyonan kan nagkapirang mga Israelita na ibayad para saiya,

Juan 13:2

Namamanggi si Jesus asin an saiyang mga disipulo. Ipinasabong na kan demonyo ki Judas, aki ni Simon Iscariote, an pagpasaluib ki Jesus.