Zacarias 11:10 - Marahay na Bareta Biblia

¹⁰ Pakatapos kinua ko an sugkod na inapod kong “Biyaya” dangan binari ko, tanganing mawaraan nin halaga an tipan na ginibo nin Kagurangnan sa gabos na nasyon.

Zacarias 11:10 ပူးပေါင်းရင်းမြစ်များ

Salmo 50:2

An Dios nagliliwanag hale sa Sion, an syudad na tunay na ladawan nin kagayonan.

Salmo 89:39

Linapas mo an tipan sa saimong sorogoon; an saiyang korona itinapok mo sa laboy.

Salmo 90:17

Kagurangnan nyamong Dios, mapasamuya an saimong mga biyaya; pauswaga an gabos ming mga gibo.

Jeremias 14:21

Giromdoma an saimong mga panuga asin dai mo kami ipagsikwal; dai mo paghalean nin onra an Jerusalem, an namumugtakan kan mamuraway mong trono. Dai mo paglapason an tipan na ginibo mo samo.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Oseas 1:9

Sinabihan nin Kagurangnan si Oseas, “Ngaranan mo siyang ‘Bako Kong Banwaan,’ huli ta an mga taga Israel bako ko nang banwaan, asin bako na ako an saindang Dios.”

Zacarias 11:7

Inalok ako kan mga tawong nagbabakal saka nagpapabakal nin karnero, kaya nagin pastor ako kan mga karnero na bubunoon. Nagkua ako nin duwang sugkod; an saro inapod kong “Biyaya” asin an ikaduwa inapod kong, “Pagkasararo.” Dangan inataman ko an mga karnero.

Mga Bilang 14:34

Babayadan nindo an saindong kasalan sa laog nin kwarentang taon, sangtaon sa lambang aldaw kan kwarentang aldaw na ipinagsiyasat nindo kan daga. Maaaraman nanggad nindo an kahulogan kan pagtumang nindo sako!

Lukas 21:32

“Sa katotoohan sinasabihan ko kamo, mangyayari an gabos na ini bago magadan an henerasyon na ini.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.