Zacarias 10:9 - Marahay na Bareta Biblia

⁹ Maski iwinarak ko sinda sa mga nasyon, alagad sa mga harayong lugar magigiromdoman ninda ako. Makakaligtas sinda asin an saindang mga aki dangan sarabay na mapuruli sa saindang harong.

Zacarias 10:9 ပူးပေါင်းရင်းမြစ်များ

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Esther 8:17

Kan basahon an pagboot kan hade sa lambang syudad saka probinsya, maogmang nagpyesta an mga Judio, nagbangkete saka nag-ogma. Dakul na tawo an nagpahayag na sinda mga Judio, huli ta natakot sinda sa mga Judio.

Isaias 44:21

Nagsasabi an Kagurangnan, “Israel, giromdoma ini; giromdoma na sorogoon taka. Linalang taka nganing magin sorogoon ko, asin dai ko nanggad ika lilingawan.

Isaias 64:4

Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Isaias 65:23

Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Isaias 65:9

Bebendisyonan ko an mga Israelita na kabilang sa tribu ni Juda, asin sasadirihon kan saindang mga kapagarakian an sakong daga na dakul an bukid. An sakong piniling banwaan na naglilingkod sako iyo an mag-eerok duman.

Jeremias 31:27

“Ako, an Kagurangnan, an nagsasabi na maabot an panahon na papanoon ko nin tawo saka hayop an daga nin Israel asin Juda.

Jeremias 51:50

Nagsasabi an Kagurangnan sa saiyang banwaan na nasa Babilonia: “Kamong mga nakadulag sa kagadanan, humale na kamo diyan. Dai na kamo maghalat! Maski nasa harayo kamo, giromdoma nindo ako, na saindong Kagurangnan, saka giromdoma nindo an Jerusalem.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Oseas 2:23

Papadanayon ko an sakong banwaan sa daga asin papauswagon ko sinda. Ipapahiling ko an pagkamoot sa mga inapod “Dai Namotan,” asin sa mga nginaranan “Bako Kong Banwaan.” Masabi akong, “Kamo an sakong banwaan,” asin masimbag sindang, “Ika an samong Dios.”

Amos 9:9

“Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Mga Gibo 8:1

Nag-oyon si Saulo kan paggadan ki Esteban. Kan aldaw na idto, nagpoon na magtios nin makuring pasakit an simbahan sa Jerusalem. An gabos na paratubod, pwera kan mga apostol, nagkawaragas sa mga probinsya nin Judea asin Samaria.

Mga Gibo 8:4

An nagkawaragas na mga paratubod nagpadagos sa paghulit kan ebanghelyo, maski saen sinda magduman.

Roma 11:24

Kun ika pinutol sa sarong olibang layas, dangan isinugpon sa tunay na oliba maski bako ini an natural na paagi, mas madali para sa mga tunay na sanga na isugpon giraray sa dating poon ninda!