Zacarias 10:5 - Marahay na Bareta Biblia

⁵ Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Zacarias 10:5 ပူးပေါင်းရင်းမြစ်များ

2 Samuel 22:43

Rinonot ko sindang pino arog sa alpog kan daga, tinimak-timakan ko sinda siring sa laboy sa mga tinampo.

2 Samuel 22:8

Dangan nagtakig asin natanyog an daga; nagtakig asin natanyog man an mga pundasyon kan kalangitan, huli ta naanggot an Dios.

2 Mga Hade 9:33

asin sinabihan sinda ni Jehu, “Ihulog nindo an babaeng iyan!” Ihinulog ninda si Jezebel, asin an saiyang dugo tuminuprik sa kudal sagkod sa mga kabayo. Pinadalagan ni Jehu an saiyang mga kabayo asin karwahe sa ibabaw kan bangkay ni Jezebel,

Salmo 18:42

Rinonot ko sinda, kaya nagin sindang arog sa alpog na ipinapadpad kan doros; tinimaktimakan ko sinda siring sa laboy sa mga tinampo.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 33:16

An hade dai ikinakaligtas kan saiyang makosog na hukbo; an soldados, kan saiyang dakulang kosog.

Salmo 44:5

Huli saimo nadadaog mi an mga kaiwal, natitimaktimakan mi sinda huli kan saimong ngaran.

Salmo 45:3

Ihagkos mo an saimong espada, O mapangyaring hade; mamuraway ka asin mapangyari.

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 25:10

Susurogon nin Kagurangnan an Bukid nin Sion, alagad titimaktimakan niya an mga taga Moab, siring kan pagtimaktimak sa dagami sa tapokan nin odo.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 41:12

asin mawawara sa daga.

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Isaias 8:9

Magtiripon kamo huli sa takot, kamong mga nasyon! Pagdangog kamo, mga harayong kabtang kan kinaban. Mag-andam kamo sa pakilaban, alagad matakot kamo! Iyo, mag-andam kamo, alagad matakot kamo!

Ezekiel 38:15

mahale sa lugar mo sa amihan, kaiba an dakula saka mapangyaring hukbo nin mga soldados na gikan sa dakul na nasyon, na gabos nakakabayo.

Amos 2:15

An mga parapana dai makakatagal, an mga marikas dumalagan dai makakadulag, asin an mga nangangabayo dai makakaligtas.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Zacarias 12:4

Sa panahon na iyan, tatakoton ko an gabos nindang kabayo asin riribongon ko an mga nakalunad diyan. Babantayan ko an banwaan nin Juda, alagad bubutahon ko an mga kabayo kan saindang mga kaiwal.

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Zacarias 14:13

Sa panahon na iyan, riribongon sinda nin Kagurangnan, kaya dadakopon kan lambang saro an saiyang kataed dangan kukulogon.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Zacarias 9:13

An Juda gagamiton ko siring sa pana nin sarong soldados, asin an Israel arog sa mga bosog. An mga lalaki nin Sion gagamiton ko siring sa sarong espada, tanganing labanan an kalalakihan nin Grecia.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Mateo 4:3

Dinolok siya kan Demonyo na nagsabi, “Kun ika an Aki nin Dios, pagbotan mo na magin tinapay an mga gapong ini.”

Lukas 24:19

“Anong mga pangyayari?” an hapot niya. Nagsimbag sinda, “Dapit ki Jesus na taga Nazaret. Saro siyang propeta na mapangyari sa gibo saka sa tataramon sa atubang nin Dios asin nin gabos na tawo.

Mga Gibo 18:24

Kan panahon na idto, nag-abot sa Efeso an sarong Judiong taga Alejandria na an ngaran Apolos. Marahay siyang magtaram saka aram niyang gayo an mga Kasuratan.

Mga Gibo 7:22

Itinukdo saiya an gabos na kadonongan kan mga taga Egipto; nagin siyang dakulang tawo sa tataramon saka sa gibo.

2 Corinto 10:4

An mga armas na ginagamit mi sa pakilaban bakong mga armas kan kinaban, kundi mga mapangyaring armas nin Dios, na ginagamit mi sa pagrumpag nin mga bantayan.

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

2 Timoteo 4:7

Nakilaban ako nin marahay, natapos ko na an pagdalagan, asin nagdanay akong maimbod sa pagtubod.

Josue 10:14

Dai pa lamang nangyari asin dai na liwat mangyayari an siring na aldaw na an Kagurangnan nagkuyog sa sarong tawo. Nakilaban an Kagurangnan para sa Israel.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Kapahayagan 19:17

Dangan nahiling ko an sarong anghel na nagtitindog sa aldaw. Nagkurahaw siya sa gabos na gamgam na naglalayog sa kaitaasan, “Madya, magtiripon kamo para sa dakulang bangkete nin Dios!

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”