Zacarias 10:3 - Marahay na Bareta Biblia

³ Nagtataram an Kagurangnan, “Naaanggot ako sa mga dayuhan na idto na namamayo sa sakong banwaan, kaya papadusahan ko sinda. Sadiri ko an banwaan nin Juda, asin ako, an Kagurangnan nin mga hukbo, an maataman sa sainda. Sinda an magigin mapangyari kong mga kabayong panggera.

Zacarias 10:3 ပူးပေါင်းရင်းမြစ်များ

An Libro ni Job 39:25

Minapugrot siya sa pagtanog kan trompeta. Harayo pa napaparong na niya an gera, saka nadadangog an ribok asin an mga pagboot kan mga opisyal.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Mga Talinhaga 21:31

Pwedeng iandam an mga kabayo para sa ralaban, alagad an Kagurangnan iyo an minatao nin kapangganahan.

Awit nin mga Awit 1:9

Nadadagka mo an mga lalaki siring na nadadagka kan babaeng kabayo an mga lalaking kabayo kan mga karwahe ni Faraon.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 24:21

Maabot an panahon na papadusahan nin Kagurangnan an mga kapangyarihan sa itaas asin an mga namamayo kan daga.

Jeremias 10:21

Nagsimbag ako, “Mangmang an satong mga lider; dai sinda nakihumapot sa Kagurangnan. Kaya dai sinda nag-uswag, asin nawarak an satong banwaan.

Jeremias 11:22

Kaya nagtaram an Kagurangnan nin mga hukbo, “Papadusahan ko sinda! Magagadan sa gera an mga hoben na lalaki; magagadan sa gutom an saindang mga aki.

Jeremias 25:12

Pakatapos kaiyan papadusahan ko an Babilonia asin an saiyang hade huli kan saindang kasalan. Rurumpagon ko an nasyon na iyan saka papabayaan na raot sagkod lamang.

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Ezekiel 34:11

“Ako, an Kagurangnan Dios, an minataram saindo na ako mismo an mahanap kan sakong mga karnero asin maataman sainda,

Ezekiel 34:12

siring na an sarong pastor nag-aataman kan saiyang mga karnerong nagkawararak, asin tinitipon niya giraray. Ibabalik ko sinda hale sa mga lugar na pinagkawararakan ninda kaidtong madiklom saka makuri na aldaw.

Ezekiel 34:2

“Aki nin tawo, magpropesiya ka laban sa mga namamayo nin Israel. Sabihan mo sinda na ini an tataramon ko, an Kagurangnan Dios: Herak man saindo, mga pastor nin Israel! Binabasog nindo an saindong sadiri, alagad dai nindo inaataman an mga karnero.

Daniel 11:32

Huli sa pandadaya, madadagka kan hade an mga nagtalikod sa saindang relihiyon, alagad makikilaban saiya an mga nagsasamba sa Dios.

Sofonias 1:8

Nagsasabi an Kagurangnan, “Sa aldaw na idto nin panggagadan, papadusahan ko an mga opisyal, an mga aki kan hade, asin an gabos na nagsusunod sa mga dayuhan na kaugalean.

Sofonias 2:7

An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Zacarias 11:17

Herak man sa mayong halagang pastor na idto! Pinabayaan niya an saiyang mga karnero. Roronoton nanggad nin gera an saiyang kapangyarihan. Mawawaraan nin kosog an saiyang kamot, asin mabubuta an too niyang mata.”

Lukas 1:68

“Omawon an Kagurangnan, an Dios nin Israel! Huli ta dinalaw niya asin ilinigtas an saiyang banwaan.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

Ruth 1:6

Dai nahaloy, nabaretaan ni Naomi na benendisyonan nin Kagurangnan an saiyang banwaan sa pagtao sainda nin marahay na ani; kaya nag-andam siya na maghale sa Moab kaiba an saiyang mga manugang.