Zacarias 10:11 - Marahay na Bareta Biblia

¹¹ Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.

Zacarias 10:11 ပူးပေါင်းရင်းမြစ်များ

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

2 Mga Hade 2:14

Pinakol niya an tubig kan alikboy saka nagsabi, “Haen an Kagurangnan, an Dios ni Elias?” Dangan pinakol niya giraray an tubig, asin nabanga ini; naglakaw si Eliseo pasiring sa ibong kan salog.

2 Mga Hade 2:8

Dangan hinuba ni Elias an saiyang alikboy, linukot asin ipinakol sa tubig. Nabanga an tubig, asin nag-agi sinda sa mamarang daga pasiring sa ibong kan salog.

Esdras 6:22

Sa laog nin pitong aldaw, maogmang pinagselebrar ninda an Pyesta kan Tinapay na Mayo nin Lebadura. Maogma sinda huli ta ginibo nin Kagurangnan na mawilihan sinda kan emperador nin Asiria, tanganing tabangan sinda sa pagtugdok giraray kan Templo kan Dios nin Israel.

Salmo 114:3

Huminiling an Dagat na Pula asin duminulag; an Salog nin Jordan suminibog.

Salmo 114:5

Ano an nangyari saimo, O Dagat, ta ika duminulag? Asin ika, O Jordan, ta ika suminibog?

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 19:16

Maabot an panahon na an mga taga Egipto makakaarog sa mga babae. Pagtatakigan sinda sa takot kun mahiling nindang ibinikyaw na nin Kagurangnan nin mga hukbo an saiyang kamot sa pagpadusa sainda.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 44:27

Huli sa sarong pagboot pinaalang ko an dagat.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Ezekiel 30:13

Nagtataram an Kagurangnan Dios, “Raraoton ko an mga ladawan asin an mga dios-dios sa Memfis. Mayo na nin maghahade sa daga nin Egipto asin tatakoton ko an gabos na tawo.

Sofonias 2:13

Gagamiton nin Kagurangnan an saiyang kapangyarihan tanganing raoton an Asiria. An syudad nin Nineve gigibohon niyang sarong raot na lugar na mayo nin tawo, sarong mayo nin tubig na desyerto.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.