Zacarias 10:1 - Marahay na Bareta Biblia

¹ Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Zacarias 10:1 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

An Libro ni Job 29:23

inako iyan kan lambang saro siring kan pag-ako kan mga paraoma sa uran pakatapos kan tig-initan.

Salmo 104:13

Hale sa langit binabaribi mo an mga bulod; napapano an daga kan saimong mga balaog.

Salmo 135:7

Siya an nagpapaitaas kan mga panganoron hale sa mga poro kan daga; an naggigibo nin kikilat para sa uran, asin an nagpapaluwas kan mga doros hale sa saiyang mga sarayan.

Salmo 65:9

An daga saimong inaataman huli sa pagpadara nin uran; ginigibo mong mayaman asin matubang. An mga salog pinapano mo nin tubig; an daga tinatawan mo nin tinanom. Siring kaini an ginigibo mo:

Salmo 72:6

Siya magin logod siring kan uran sa kaomahan, siring kan tagiti na minahulog sa daga.

Mga Talinhaga 16:15

An marahay na boot kan hade garo mga panganoron na nagdadara nin uran kun tig-init; buhay an makukua diyan.

Isaias 30:23

Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Jeremias 10:13

Sa pagboot niya minahagubohob an mga tubig sa kaitaasan; tinitipon niya an mga panganoron hale sa mga poro kan daga. Pinapasilyab niya an kikilat sa tahaw kan uran asin pinapaluwas niya an doros hale sa saiyang mga sarayan.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 5:24

Dai nanggad nindo inisip na omawon ako maski ngani ako an minapadara saindo nin uran sa tamang panahon saka minapaabot kan panahon nin pag-ani sa lambang taon.

Jeremias 51:16

Sa pagboot niya minahagubohob an mga tubig sa ibabaw kan langit; pinapaitaas niya an mga alopoop hale sa mga poro kan daga. Pinapasilyab niya an kikilat sa tahaw kan uran, asin pinapaluwas niya an doros hale sa saiyang sarayan.

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Ezekiel 36:37

Ini an itinataram nin Kagurangnan Dios, “An mga Israelita tutugotan ko giraray na maghagad sako nin tabang, asin papadakulon ko sinda sa bilang arog sa sarong ariponpon nin mga karnero.

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Amos 4:7

Dai ko ipinadara an uran kan kaipuhan nanggad nindo iyan. Nagpadara ako nin uran sa sarong syudad, alagad dai sa ibang syudad. Naghugpa an uran sa sarong oma, alagad mamara sa ibang oma.

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Juan 16:23

“Pag-abot kan aldaw na iyan, mayo na kamo nin hahagadon sako. Sa katotoohan sinasabihan ko kamo, an anoman na hagadon nindo sa Ama sa ngaran ko, itatao saindo.

1 Corinto 3:6

ako an nagtanom kan banhi, si Apolos an nagbaribi, alagad an Dios iyo an nagpatalubo kan tinanom.

Deuteronomio 28:23

Dai magkakaigwa nin uran kaya magigin matagas siring sa lansang an saindong daga.

Santiago 5:7

Kaya, mga tugang, maging matinios kamo sagkod na mag-abot an Kagurangnan. Hilinga nindo an paratanom na matinios na naghahalat kan mahalagang bunga kan daga; matinios na naghahalat kan enot asin huring uran!