Zacarias 1:8 - Marahay na Bareta Biblia

⁸ Nahiling ko an sarong anghel nin Kagurangnan na naglulunad sa sarong pulang kabayo. Nag-ontok siya sa tahaw kan mga kahoy na mirto sa sarong kapantayan. Sa likodan niya igwa nin mga kabayong pula, kabang, saka puti.

Zacarias 1:8 ပူးပေါင်းရင်းမြစ်များ

Genesis 20:3

Sarong banggi, nagpahiling an Dios ki Abimelek sa pangatorogan asin nagtaram, “Magagadan ka huli ta kinua mo an babaeng ini na may agom.”

Genesis 46:2

Pagkabanggi, inapod siya nin Dios sa sarong bisyon, “Jacob, Jacob!” “Uya ako,” an simbag niya.

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

Nehemias 8:15

Kaya ipinagboot ninda asin ibinalangibog sa bilog na Jerusalem asin sa iba pang mga syudad saka banwa an siring: “Magduman kamo sa kabubuldan asin magkua nin mga sanga nin aguho, mga oliba, mga mirto, mga palma, saka iba pang madahon na mga sanga tanganing gibohon na mga harong-harong, siring sa ipinagboot kan Katogonan.”

An Libro ni Job 4:13

Arog sa maraot na pangatorogan, pinukaw kaiyan an sakong pagkatorog.

Awit nin mga Awit 2:16

Sadiri ko an sakong namomotan, asin ako sadiri niya. Pinapasabsab niya an saiyang mga hayop sa tahaw kan mga lirio

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Isaias 41:19

Papataluboon ko sa desyerto an mga sedro, an mga akasya, an mga mirto asin an mga oliba. An kalangtadan gigibohon kong mga kadlagan, kadlagan nin mga aguho, hunipero asin cipres.

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Daniel 2:19

Kan banggi man sanang idto, an misteryo ipinahayag ki Daniel sa sarong bisyon, asin inomaw niya an Dios nin langit:

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Daniel 7:2

kan nahiling ko kan bangging idto: Naghuhuyop an doros hale sa apat na direksyon asin binubukag kaini an dagat.

Zacarias 1:10

Sinda an ipinadara nin Kagurangnan tanganing magsiyasat kan kinaban.”

Zacarias 1:11

Nagpahayag an mga kabayo sa anghel, “Nalibot mi na an bilog na kinaban asin nahiling mi na matoninong an kinaban.”

Zacarias 1:7

Kan ikabeynte y kwatrong aldaw, kan ikaonseng bulan (an bulan nin Sebat), kan ikaduwang taon kan pagigin emperador ni Dario, nag-abot sako an mensahe nin Kagurangnan sa sarong bisyon sa pagkabanggi.

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Josue 5:13

Kan yaon si Josue sa harani kan Jerico, bigla siyang nakahiling nin sarong lalaki na nakatindog sa atubangan niya, na may kapot na espada. Dinolok siya ni Josue asin hinapot, “Kaapil ka nyamo o kaiwal?”

Kapahayagan 2:1

“Suratan mo an anghel kan simbahan sa Efeso: “Iyo ini an mensahe kan nagkakapot nin pitong bitoon sa too niyang kamot, kan naglalakaw sa tahaw kan pitong kandelerong bulawan.

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.

Kapahayagan 6:4

Nagluwas naman an sarong kabayong pula. An nangangabayo tinawan nin kapangyarihan na magdara nin gera sa kinaban tanganing an mga tawo maggaradanan. Tinawan siya nin sarong dakulang espada.