Zacarias 1:2 - Marahay na Bareta Biblia

² Sinabihan kan Kagurangnan nin mga hukbo si Zacarias na taraman an mga tawo nin siring, “Ako, an Kagurangnan, naaanggot sa saindong mga ginikanan,

Zacarias 1:2 ပူးပေါင်းရင်းမြစ်များ

2 Mga Hade 22:19

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi, tanganing magin sinda mapungaw saka magin maldisyon. Ginisi mo an saimong gubing saka naghibi sa atubang ko. Nadangog ko an saimong pamibi,

2 Mga Hade 23:26

Alagad dai nahale an makuring kaanggotan kan Kagurangnan laban sa Juda huli kan ginibo ni Hadeng Manases.

Esdras 9:13

Maski pakatapos kan gabos na nangyari samo bilang padusa kan samong mga kasalan asin kasombikalan, aram nyamo na kulang pa nin marahay an padusa mo samo, O samuyang Dios, asin tinugotan mo pa kaming mabuhay.

Salmo 60:1

O Dios, isinikwal asin rinonot mo kami; naanggot ka—alagad balikan mo kami.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 44:6

Kaya an sakong labi-labing kaanggotan inula ko sa mga banwa nin Juda asin sa mga tinampo nin Jerusalem, saka sinulo ko an mga ini. Naraot asin nagin sarong tanawon na nakakatakot ini sagkod ngunyan.

Mga Panambitan 5:7

Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Ezekiel 22:31

Kaya iuula ko sainda an sakong kaanggotan, asin siring sa kalayo, susuloon ko sinda huli kan saindang mga ginibo.” An Kagurangnan Dios an nagtaram.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Zacarias 1:15

Anggot ako nin marahay sa mga nasyon na nakakamate ngunyan nin katoninongan. Huli ta mantang pinupugolan ko an sakong kaanggotan laban sa sakong banwaan, orog pang dinagdagan kan mga nasyon an kasakitan kan sakong banwaan.

Zacarias 7:12

asin pinatagas an saindang mga puso. Huli ta habo nindang dangogon an katukdoan na ipinadara ko sa paagi kan mga propeta na nabuhay kaidtong panahon. Kaya naanggot ako nin marahay.

Zacarias 8:14

Nagtataram an Kagurangnan nin mga hukbo, “Kan paanggoton ako kan saindong mga ginikanan, inisip kong maldisyonon sinda, asin dai ko liniwat an sakong inisip kundi ginibo ko iyan.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.