Zacarias 1:17 - Marahay na Bareta Biblia

¹⁷ Sinabihan man ako kan anghel na magpahayag: “Nagtataram an Kagurangnan nin mga hukbo na magigin mauswag giraray an saiyang mga syudad asin tatabangan niya giraray an Jerusalem saka aakoon na sadiri niya.”

Zacarias 1:17 ပူးပေါင်းရင်းမြစ်များ

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

Nehemias 11:20

An iba sa mga Israelita asin an iba pang mga padi saka mga Levita duman nag-erok sa sadiri nindang rogaring, sa iba pang mga syudad saka mga banwa nin Juda.

Nehemias 11:3

An banwaan nin Israel, an mga padi, mga Levita, mga trabahador sa Templo asin an mga kapagarakian kan mga sorogoon ni Solomon nag-erok sa ibang mga banwa saka mga syudad sa sadiri nindang rogaring. Iyo ini an lista kan mga ginagalangan na mga namamanwaan sa probinsya nin Juda na nag-erok sa Jerusalem:

Salmo 69:35

Ililigtas nin Dios an Sion, asin giraray papatindogon an mga banwa nin Juda. Duman mag-eerok an saiyang banwaan asin sasadirihon ninda an daga,

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 52:9

Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Isaias 66:13

Rarangahon ko kamo sa Jerusalem, siring kan pagranga nin sarong ina sa saiyang aki.

Jeremias 31:13

Dangan masayaw sa kaogmahan an mga daraga, asin an kalalakihan, hoben saka gurang, mag-oogma. Rarangahon ko sinda asin an saindang kamondoan magigin kaogmahan, an saindang kasakitan magigin kagayagayahan.

Jeremias 33:13

Sa mga banwa kan mabulod na daga, sa pamitisan kan mga bulod, sa parteng habagat kan Juda, sa daga nin Benjamin, sa mga baryo sa palibot nin Jerusalem, asin sa mga banwa nin Juda, an mga pastor magbibilang giraray kan saindang mga karnero. Ako, an Kagurangnan, an nagtaram.”

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Ezekiel 36:33

Ini an itinataram nin Kagurangnan Dios, “Sa aldaw na linigan ko na kamo kan gabos nindong kasalan, tutugotan ko kamong mag-erok giraray sa saindong mga syudad asin maghirahay kan mga nagkararaot.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Obadias 1:20

An hukbo nin mga itinapok hale sa amihan nin Israel mabalik asin sasakopon an Fenicia sagkod sa Sarefat sa amihan. An mga taga Jerusalem na itinapok sa Sardis iyo an masakop kan mga banwa sa habagat nin Juda.

Zacarias 1:14

dangan sinabihan ako kaini na ipahayag ko an itinaram kan Kagurangnan nin mga hukbo: “Namomotan ko nin marahay asin igwa ako nin pagmakulog sa Jerusalem, an sakong banal na syudad.

Zacarias 1:18

Sa saro pang bisyon, nakahiling ako nin apat na sungay.

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Zacarias 2:4

An naenot na anghel nagsabi sa nagsabat saiya, “Magdalagan ka asin taraman mo an hoben na lalaking may kapot na pansukol na pisi na an Jerusalem pag-eerokan nin kadakul na tawo saka hayop. Magigin dakula iyan nin marahay asin dai na pwedeng kudalon.

Zacarias 3:2

Sinabihan kan anghel nin Kagurangnan si Satanas, “Kondenaron ka logod nin Kagurangnan, Satanas! Kondenaron ka logod nin Kagurangnan na namomoot sa Jerusalem. An lalaking ini nakakaarog sa sarong sanga na inagaw sa kalayo.”

Efeso 1:4

Bago lalangon an kinaban, pinili niya kita diyan ki Cristo tanganing magin kitang banal saka mayong digta sa atubangan niya. Huli sa pagkamoot,