Sofonias 3:6 - Marahay na Bareta Biblia

⁶ Nagtataram an Kagurangnan, “Pinara ko an mga nasyon; rinaot ko an saindang mga syudad asin binayaan kong rumpag an saindang mga kudal saka mga tore. Nagharale na an mga nag-eerok sa mga syudad; mayo nin tawo sa mga tinampo—mayo nin nawalat maski saro.

Sofonias 3:6 ပူးပေါင်းရင်းမြစ်များ

Isaias 14:26

Iyo ini an sakong plano sa kinaban, asin inunat ko na an sakong takyag sa pagpadusa sa mga nasyon.”

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Sofonias 2:5

Magagadan kamong mga Filisteo, kamo na mga nag-eerok sa tampi kan dagat. Hinukoman na kamo kan Kagurangnan. Gagadanon niya kamo asin mayo nin siisay man na matatada saindo.

Zacarias 7:14

Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”

Mateo 23:38

Hilinga ta pinapabayaan na an saimong harong asin mayo nang tawo.

1 Corinto 10:11

An gabos na idto nangyari sa satong mga ginikanan bilang patanid, asin isinurat tanganing tukdoan kita na nabubuhay pa sa mga huring aldaw na ini.

1 Corinto 10:6

An gabos na ini sarong pagpatanid sato tanganing dai kita magmawot nin maraot arog kan ginibo ninda.

Josue 23:4

Itinao ko na saindo bilang pamana kan saindong mga tribu an mga dagang dai pa nasasakop, siring man an gabos na daga kan mga banwaan na nasakop ko na, magpoon sa Salog nin Jordan sa parteng sirangan sagkod sa Dagat nin Mediteraneo sa parteng solnopan.