Sofonias 3:2 - Marahay na Bareta Biblia

² Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Sofonias 3:2 ပူးပေါင်းရင်းမြစ်များ

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 50:17

Habo kang sagweon; tinalikodan mo an mga pagboot ko.

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Salmo 78:22

huli ta mayo sindang pagtubod sa saiya asin dai nagsarig sa saiyang nakakaligtas na kapangyarihan.

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 5:12

Masabi kamo, “Tadaw ta ikinaongis ko an saindang mga hatol? Tadaw ta isinikwal ko an saindang mga pagsagwe?

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 43:22

Nagsasabi an Kagurangnan, “Alagad napagal ka sako, Israel; dai ka nagsamba sako.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 13:25

Sinabi niya na iyan an saimong aabotan. Gigibohon niya iyan saimo huli ta liningawan mo siya asin nagsarig ka sa bakong totoong mga dios.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 22:21

Nagtaram saindo an Kagurangnan kan mauswag pa an saindong pamumuhay, alagad habo kamong maghinanyog. Iyo na iyan an gibo nindo poon kan kamo aki pa; dai nanggad kamo nagkuyog sa Kagurangnan.

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Ezekiel 22:24

“Aki nin tawo, taraman mo an mga Israelita na bako nang banal an saindang daga, kaya papadusahan ko iyan sa sakuyang kaanggotan.

Ezekiel 24:13

Jerusalem, an takla mo iyo an saimong marompot na gibo. Maski hiningowa kong malinigan ka, nagdanay kang maati. Dai ka na nanggad malilinigan sagkod na mamatean mo an bilog kong kaanggotan.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

2 Timoteo 3:16

An gabos na Kasuratan ipinasabong nin Dios; magagamit iyan sa pagtukdo kan katotoohan, pagtuyaw kan sala, pagtanos nin ugale saka sa pagtukdo kan matanos na pamumuhay,

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.