Sofonias 3:18 - Marahay na Bareta Biblia

¹⁸ siring kan mga nag-oogma sa aldaw nin pyesta.” An Kagurangnan nagtataram, “Hinale ko na an mga kasakitan mo, tanganing dai ka na mawaraan nin onra huli kaiyan.

Sofonias 3:18 ပူးပေါင်းရင်းမြစ်များ

Salmo 43:3

Padarahan an saimong liwanag asin katotoohan; logod ako saindang pangenotan, darahon sa banal mong bulod asin sa saimong erokan.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Jeremias 23:3

Titiponon ko an natada sa sakong banwaan hale sa mga nasyon na tinapokan ko sainda. Ibabalik ko sinda sa dagang namundagan ninda dangan mag-aaki giraray sinda saka madakul.

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Ezekiel 34:13

Hahaleon ko sinda sa dayuhan na mga nasyon dangan ibabalik ko sa sadiri nindang daga. Pasasabsabon ko sinda sa kabukidan nin Israel asin dadarahon ko sa mga burabod nin tubig; papakakanon ko sinda sa mga berdeng pasabsaban kan daga.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Oseas 1:11

Magkakasararo giraray an mga taga Juda saka an mga taga Israel. Mapili sinda nin saro sanang lider, asin siring sa dati, madakul sinda saka mauswag sa saindang daga. Iyo, magigin dakula an aldaw nin Jezreel!

Oseas 9:5

Pag-abot kan mga itinalaan na pyesta sa pag-omaw sa Kagurangnan, ano an saindang gigibohon?

Sofonias 3:20

Maabot an panahon na ibabalik ko sa saindang mga harong an nagkawararak mong mga namamanwaan; gigibohon takang bantog sa bilog na kinaban asin papauswagon taka giraray.” An Kagurangnan an nagtaram.