Sofonias 3:15 - Marahay na Bareta Biblia

¹⁵ Inontok nin Kagurangnan an pagpadusa saimo; hinale niya an gabos mong kaiwal. An Kagurangnan, an Hade nin Israel, kaibahan mo; mayo ka na nin dahelan tanganing matakot.

Sofonias 3:15 ပူးပေါင်းရင်းမြစ်များ

Genesis 30:23

Nagbados si Rachel asin nangaki nin lalaki. Olay niya, “Hinale na nin Dios an sakong kasosopgan.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 19:9

Marahay an paggalang sa Kagurangnan; magdadanay iyan sagkod lamang. Totoo an mga hatol nin Kagurangnan; matanos an gabos na iyan.

Salmo 85:3

Pinugol mo an saimong kaanggotan; pinakulpa mo an labi-labi mong kaanggotan.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 25:8

Hahalonon nin Kagurangnan Dios an kagadanan sagkod pa man, asin papahidon niya an mga luha sa gabos na lalawogon patin hahaleon niya an kasosopgan na tinios kan saiyang banwaan sa bilog na kinaban. An Kagurangnan an nagtaram!

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Isaias 52:9

Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Isaias 65:19

Ako mismo mapapano nin kaogmahan huli kan Jerusalem asin kan saiyang namamanwaan. Dai na magkakaigwa nin pagtangis diyan, ni paghagad nin tabang.

Jeremias 8:19

Dangoga! Sa bilog na daga nadadangog an kinurahaw kan sakong banwaan, “Mayo na daw sa Sion an Kagurangnan? Mayo na daw duman an hade nin Sion?” An Kagurangnan, an saindang hade nagsimbag, “Tadaw ta pinapaanggot nindo ako sa paagi kan pagsamba sa mga ladawan asin sa pagluhod sa mga dios-dios na dai nindo midbid saka mayo nin halaga?”

Ezekiel 35:10

“Nagsabi kang sadiri mo an duwang nasyon nin Juda saka Israel, kaiba an saindang mga daga, asin sasadirihon mo an mga iyan maski ako, an Kagurangnan, iyo an saindang Dios.

Ezekiel 36:15

An daga dai ko na tutugotan na makadangog pa nin mga pagtuyatuya kan mga nasyon, asin dai na iyan matios kan mga pagsopog nin mga banwaan. Dai na kaiyan hahabonan nin mga aki an nasyon. Ako, an Kagurangnan Dios, an nagtaram.”

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Ezekiel 48:35

An kahalabaan kan kudal sa apat na lado kan syudad kaipuhan nuebe mil metros. Poon ngunyan an ngaran kan syudad magigin “An Kagurangnan Uya Digdi!”

Joel 3:17

“Dangan, Israel, maaaraman mo na ako an Kagurangnan na saimong Dios. Nag-eerok ako sa Sion, an banal kong bulod. An Jerusalem magigin banal na syudad; dai na nanggad iyan masasakop kan mga dayuhan.

Amos 9:15

Itatanom ko an sakong banwaan sa daga na itinao ko sainda, asin dai na nanggad sinda gagaboton.” An Kagurangnan na saindong Dios an nagtaram.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Habakkuk 2:8

Sinamsaman nindo an mga taga ibang nasyon, alagad sasamsaman kamo kan mga matatadang buhay huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Sofonias 3:5

Alagad yaon pa sa syudad an Kagurangnan; ginigibo niya an tama asin bako an sala. Aga-aga asin mayo nanggad nin palihis, pinapahilingan niya nin hustisya an saiyang banwaan. Alagad an bakong matanos na mga tawo diyan padagos na naggigibo nin maraot asin dai nasosopog.

Zacarias 12:3

Alagad pag-abot kan panahon na iyan, an Jerusalem gigibohon kong arog sa sarong magabat na gapo—an arin man na nasyon na maghingowang alsahon iyan makukulogan. Pagsasaroon kan gabos na nasyon sa kinaban an saindang kosog tanganing salakayon an Jerusalem.

Zacarias 14:11

Duman mag-eerok na ligtas an mga tawo, huli ta mayo na nin pagkatakot na sinda pupuhoon.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

Juan 12:15

“Dai ka matakot, syudad nin Sion! Uya, an saimong hade nagdadatong, nakalunad sa sarong ogbon na asno!”

Juan 19:19

Nagsurat si Pilato nin sarong paisi na arog kaini an sinasabi: “Si Jesus na taga Nazaret, an Hade kan mga Judio,” dangan ipinabugtak ini sa itaas na parte kan krus.

Juan 5:30

“Sa sadiri kong kapangyarihan mayo akong magiginibo. Naghuhukom ako sosog sana sa itinataram sako nin Dios, kaya an paghukom ko matanos; dai ko ginigibo an kabotan ko kundi an kabotan kan nagsugo sako.

Kapahayagan 12:10

Dangan nakadangog ako nin makosog na tingog sa langit na nagsabi, “Nag-abot na ngunyan an kaligtasan, an kapangyarihan asin an kahadean nin satuyang Dios patin an kapangyarihan nin saiyang Cristo! Huli ta an parasumbong kan satong mga tugang, an parasumbong sa atubang nin Dios aldaw-banggi, ihinulog na hale sa langit.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”

Kapahayagan 7:15

Kaya yaon sinda sa atubangan kan trono nin Dios, naglilingkod saiya aldaw-banggi sa laog kan saiyang templo. Aatamanon sinda kan nagtutukaw sa trono.