Sofonias 3:13 - Marahay na Bareta Biblia

¹³ An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Sofonias 3:13 ပူးပေါင်းရင်းမြစ်များ

2 Mga Cronica 20:30

Kaya nagin matoninong an paghahade ni Jehosafat huli ta ilinikay siya nin Dios sa anoman na pag-alaman sa palibot niya.

An Libro ni Job 11:19

Dai ka matatakot sa saimong mga kaiwal; dakul na tawo an mahagad saimo nin tabang.

Salmo 119:3

Dai sinda naggigibo nin sala; naglalakaw sinda sa mga dalan nin Kagurangnan.

Salmo 120:2

“Ligtasan ako, Kagurangnan, sa mga ngosong putikon, sa dilang madaya.”

Salmo 120:3

Kamong mga madaya, ano an gigibohon nin Dios saindo? Paano an pagpadusa niya saindo?

Salmo 23:2

Pinapahingalo niya ako sa mga berdeng sabsaban, asin dinadara niya ako sa mga tubig na malinaw.

Isaias 17:2

Mawawaraan nin namamanwaan an mga syudad nin Siria sagkod pa man. Ini magigin mga pasabsaban para sa karnero saka baka, asin mayo nin maalaw sa sainda.

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 6:13

Maski mawalat an saro sa sampolo katawo, magagadan man siya; makakaarog siya sa pungo kan pinulak na hamurawon.” (An pungo iyo an tanda kan bagong kapinonan para sa banwaan nin Dios.)

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Ezekiel 39:26

Kun toninong na giraray sindang nag-eerok sa sadiri nindang daga, asin mayo na nin magpatakot sa sainda, malilingawan ninda kun paano sinda nawaraan nin onra huli kan pagpasaluib ninda sako.

Joel 3:17

“Dangan, Israel, maaaraman mo na ako an Kagurangnan na saimong Dios. Nag-eerok ako sa Sion, an banal kong bulod. An Jerusalem magigin banal na syudad; dai na nanggad iyan masasakop kan mga dayuhan.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Mikas 4:4

Matoninong na mamumuhay an lambang saro sa tahaw kan sadiri niyang ubasan saka mga kahoy na higera, asin mayo nang magpapatakot saiya. An Kagurangnan nin mga hukbo an nanuga kaini.

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Mikas 7:14

Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

Sofonias 2:7

An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Sofonias 3:5

Alagad yaon pa sa syudad an Kagurangnan; ginigibo niya an tama asin bako an sala. Aga-aga asin mayo nanggad nin palihis, pinapahilingan niya nin hustisya an saiyang banwaan. Alagad an bakong matanos na mga tawo diyan padagos na naggigibo nin maraot asin dai nasosopog.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Zacarias 8:16

Iyo ini an mga bagay na dapat nindong gibohon: an katotoohan sana an ipagtaram nindo sa saindong kapwa. Sa mga hukoman, itao nindo an totoong hustisya—an hustisya na nagdodolot nin katoninongan.

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Mateo 13:41

susugoon kan Aki nin Tawo an saiyang mga anghel nganing tiponon saka paluwason sa saiyang Kahadean an gabos na nagin dahelan nin kasalan asin an gabos na paragibo nin maraot.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Colosas 3:9

Dai kamo magputik sa lambang saro, huli ta hinuba nindo an daan na pagkatawo kaiba an mga maraot na ugale kaiyan,

1 Pedro 3:14

Alagad maski magtios kamo huli sa katanosan, magigin paladan kamo. Dai kamo matakot sa kiisay man; dai man kamo mahadit.

1 Juan 5:18

Aram ta na an siisay man na aki nin Dios dai nagpapadagos sa pagkakasala, huli ta inaataman siya kan Aki nin Dios; dai siya maaano kan Maraot.

Kapahayagan 14:5

Mayo nin kaputikan sa saindang ngoso; mayo sinda nin digta.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”