Sofonias 3:11 - Marahay na Bareta Biblia

¹¹ Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

Sofonias 3:11 ပူးပေါင်းရင်းမြစ်များ

Salmo 131:1

Kagurangnan, pinabayaan ko an sakong kapalangkawan asin tinalikodan ko na an kapaabaw-abawan. Dai na ako nakikiaram sa darakulang mga bagay asin sa mga makangangalas para sako.

Salmo 49:5

Tadaw ta matatakot ako sa panahon nin kasakitan, kun napapalibotan ako kan sakong mga kaiwal,

Salmo 59:12

Huli kan kasalan sa saindang mga ngoso, kan mga tataramon na gabos maraot, madakop logod sinda sa saindang kapaabaw-abawan. Huli kan saindang mga pagmaldisyon saka pagputik,

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 45:17

Alagad ilinigtas nin Kagurangnan an Israel, asin magdadanay sagkod lamang an saiyang kapangganahan; dai nanggad siya mapapasopog asin mawawaraan nin onra sagkod pa man.’”

Isaias 5:15

An gabos na tawo sosopogon, asin ibababa an mga mapaabaw-abaw.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Jeremias 13:9

“Siring kaiyan an gigibohon kong paglaglag sa kapalangkawan nin Juda asin sa dakulang kapalangkawan nin Jerusalem.

Jeremias 7:4

Dai kamo magtubod sa mga madayang tataramon na ini: ‘Ligtas kami digdi! Ini an Templo nin Kagurangnan, an Templo nin Kagurangnan, an Templo nin Kagurangnan!’

Ezekiel 20:40

Duman sa daga, sa sakong banal na bukid, an halangkaw na bukid nin Israel, kamo gabos na Israelita masamba sako. Mawiwilihan ko kamo, asin hahagadon ko sa saindong darahan ako nin mga sakripisyo, an saindong pinakamarahay na mga dolot, asin an saindong mga banal na regalo.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Daniel 9:16

Sinurog mo kami kaidto, kaya dai mo na ipagpadagos an saimong kaanggotan sa Jerusalem. Iyan an saimong syudad, an saimong banal na bulod. Pinagtutuyatuya an Jerusalem saka an saimong banwaan kan gabos na nasyon sa palibot nyamo huli kan samong mga kasalan asin kan mga ginibong karatan kan samong mga ginikanan.

Daniel 9:20

Nagpadagos ako sa pagpamibi, sa pagkumpisal kan sakong kasalan saka kan kasalan kan banwaan nin Israel asin sa pakimaherak sa Kagurangnan na sakong Dios na hirahayon an saiyang banal na Templo.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Mga Bilang 16:3

Nagtiripon sinda sa atubang ni Moises saka ni Aaron, dangan nagsabi, “Sobra na an gibo nindo! Sadiri nin Kagurangnan an gabos na kaayon sa komunidad asin kaibahan siya kan gabos. Tadaw ta nagpapalangkaw kamo sa komunidad nin Kagurangnan?”

Mateo 3:9

Dai kamo maghona na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Roma 2:17

Sinasabi mong saro kang Judio, nananarig ka sa Katogonan ni Moises saka ipinag-oorgulyo mo an relasyon mo sa Dios.

Roma 9:33

na nasasambit sa kasuratan, “Hilinga, nagbugtak ako sa Sion nin sarong gapo na masisingkogan nin mga tawo, sarong gapo na makakapatumba sainda. Alagad an siisay man na magtubod saiya, dai mapapasopog.”

1 Pedro 2:6

Huli ta nasasabi sa kasuratan, “Pinili ko an sarong mahalagang gapo na ibinubugtak ko ngunyan sa Sion bilang gapong patugmadan; an siisay man na minatubod saiya dai nanggad mapapasopog.”