Sofonias 3:1 - Marahay na Bareta Biblia

¹ Herak man sa Jerusalem, idtong maraot saka rebeldeng syudad, na nang-aapi sa sadiri niyang mga namamanwaan.

Sofonias 3:1 ပူးပေါင်းရင်းမြစ်များ

Isaias 30:12

Alagad iyo ini an sinasabi kan banal na Dios nin Israel, “Dai nindo pinapahalagahan an sinasabi ko saindo asin nananarig kamo sa dahas saka sa daya.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 59:6

An hinabol nindong gubing hale sa lapat dai man nindo ikakasulot. An saindong mga gibo magbubunga nin karibokan asin kapahamakan.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Jeremias 5:23

Alagad kamo, mga matagas an saindong mga payo saka mga rebelde kamo; tinalikodan nindo ako saka binayaan.

Jeremias 6:6

Pinagbotan kan Kagurangnan nin mga hukbo an mga hadeng ini na magpalod nin mga kahoy saka magtambak nin mga daga tanganing malaom ninda an Jerusalem. Nagtaram siya, “Papadusahan ko an Jerusalem huli ta syudad ini nin pang-aapi.

Jeremias 6:7

Siring na an bubon dai nag-oontok sa pagtao nin preskong tubig, an Jerusalem dai man nag-oontok sa paggibo nin karatan. Kadahasan asin pagkaraot an nadadangog ko sa laog kan syudad; gabos na sanang helang saka lugad an sakong nahihiling.

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Ezekiel 23:30

iyo an nagdara saimo kaini. Saro kang maraot na babae para sa mga nasyon asin dinigtaan mo an saimong sadiri huli kan saindang mga dios-dios.

Levitico 1:16

Pakatapos, hahaleon niya an butsi asin an mga balukag kan gamgam dangan itatapok niya sa parteng sirangan kan altar, sa lugar na binubugtakan kan abo.

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.