Sofonias 2:7 - Marahay na Bareta Biblia

⁷ An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Sofonias 2:7 ပူးပေါင်းရင်းမြစ်များ

Genesis 50:24

Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

Salmo 80:14

O Dios nin mga hukbo, kilingan mo kami! Dumungaw ka hale sa langit asin hilinga kami! Atamana ining ubasan,

Salmo 85:1

Kagurangnan, naherakan mo an saimong daga; ibinalik mo an mga kayamanan ni Jacob.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 32:14

Maski an palasyo babayaan kan mga nag-eerok diyan asin an pangenot na syudad babayaan kan mga namamanwaan. An mga bulod saka an mga bantayan magigin mga erokan nin mga lalaw na hayop, sarong kaogmahan para sa mga lalaw na asno asin sarong pasabsaban para sa mga hayop.

Jeremias 23:3

Titiponon ko an natada sa sakong banwaan hale sa mga nasyon na tinapokan ko sainda. Ibabalik ko sinda sa dagang namundagan ninda dangan mag-aaki giraray sinda saka madakul.

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 3:18

Makikiayon an Israel sa Juda, dangan magkaibahan na mabalik sinda hale sa amihan saka mag-eerok sa daga na itinao ko sa saindang mga ginikanan bilang pamana sagkod lamang.”

Jeremias 30:3

huli ta nagdadangadang na an aldaw na ibabalik ko an banwaan ko, an Israel asin an Juda, saka an saindang kayamanan. Ibabalik ko sinda sa daga na itinao ko sa mga ginikanan ninda, asin masasadirihan ninda giraray iyan. Ako, an Kagurangnan, an nagtaram.”

Jeremias 31:7

Nagsasabi an Kagurangnan, “Mag-awit kamo sa kaogmahan para sa Israel, an pinakadakula sa mga nasyon. Mag-awit kamo kan awit nin pag-omaw, ‘Ilinigtas nin Kagurangnan an saiyang banwaan, an mga natada sa Israel.’

Jeremias 32:44

Babakalon iyan kan mga tawo, asin sa atubangan nin mga saksi, pipirmahan saka seselyohan an kasuratan nin pagpabakal. Mangyayari ini sa teritoryo ni Benjamin, sa mga baryo sa palibot kan Jerusalem, sa mga banwa nin Juda, sa mga banwa sa mabulod na daga, sa pamitisan kan mga bulod, asin sa parteng habagat nin Juda. An mga tawo ibabalik ko sa saindang daga. Ako, an Kagurangnan, an nagtaram.”

Jeremias 33:12

Nagtaram an Kagurangnan nin mga hukbo, “Sa dagang ini, na garo desyerto saka mayo nin nag-eerok na tawo o hayop, magkakaigwa giraray nin mga pasabsaban na pagdadarahan kan mga pastor kan saindang mga karnero.

Jeremias 33:7

Papauswagon ko an Juda saka an Israel, asin papatindogon ko giraray sinda arog kan dati.

Jeremias 47:5

Dakulang kamondoan an nag-abot sa mga taga Gaza, asin dai nagkakaalo an mga taga Askelon. Sagkod nuarin magmomondo an mga natada sa mga Filisteo?

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Oseas 6:11

“Asin kamo man, banwaan nin Juda, itinalaan ko na man an panahon tanganing padusahan kamo huli kan saindong ginigibo.

Obadias 1:19

“Masasadirihan kan mga hale an habagat nin Juda an daga nin Edom; asin sasakopon kan mga hale sa pamitisan kan kabubuldan sa solnopan an Filistia. Sasadirihon kan mga Israelita an teritoryo nin Efraim saka Samaria; asin kukuahon kan mga taga Benjamin an Gilead.

Mikas 2:12

“Alagad titiponon ko kamo, kamo gabos na natada sa Israel. Sarabay ko kamong dadarahon siring sa mga karnero na nagbabalik sa toril. Arog sa pasabsaban na pano nin karnero, magigin pano giraray nin tawo an saindong daga.”

Mikas 4:10

Mamiripit ka sa kulog asin mag-agoro, banwaan nin Jerusalem, arog sa sarong babaeng nangangaki, huli ta kaipuhan bayaan mo an syudad asin mag-erok ka sa kaomahan. Kaipuhan magduman ka sa Babilon, saen ililigtas ka nin Kagurangnan sa saimong mga kaiwal.

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Sofonias 3:13

An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Sofonias 3:20

Maabot an panahon na ibabalik ko sa saindang mga harong an nagkawararak mong mga namamanwaan; gigibohon takang bantog sa bilog na kinaban asin papauswagon taka giraray.” An Kagurangnan an nagtaram.

Hageo 1:12

Dangan si Zerubabel asin si Josue patin an gabos na tawo na nagbalik hale sa pagkatapokan sa Babilonia nagkuyog kan tataramon nin Kagurangnan na saindang Dios. Natakot sinda asin sinunod si propeta Hageo, an sinugo nin Kagurangnan.

Hageo 2:2

Tinaraman niya si Hageo na sabihan si Zerubabel na gobernador nin Juda, si Josue na Halangkaw na Padi, asin an mga tawo, saka sabihan sindang,

Lukas 1:68

“Omawon an Kagurangnan, an Dios nin Israel! Huli ta dinalaw niya asin ilinigtas an saiyang banwaan.

Lukas 7:16

Inabotan nin makuring takot an gabos asin nag-omaw sinda sa Dios. Olay ninda, “Sarong dakulang propeta an nag-abot sato! Dinalaw nin Dios an saiyang banwaan!”

Mga Gibo 8:26

Nagtaram ki Felipe an sarong anghel nin Kagurangnan, “Mag-andam ka dangan magduman ka sa habagat, sa dalan na palugsot sa Jerusalem pasiring sa Gaza.” (An dalan na ini dai na pinag-aagihan.)

Mga Gibo 8:40

Namangnohan na sana ni Felipe na idtoon na siya sa Azoto. Naghapit siya sa gabos na banwaan, naghuhulit kan Marahay na Bareta, sagkod na nakaabot siya sa Cesarea.

Roma 11:5

Siring man ngunyan na panahon: igwa nin kadikit na natada sa mga pinili niya huli kan saiyang biyaya.

Ruth 1:6

Dai nahaloy, nabaretaan ni Naomi na benendisyonan nin Kagurangnan an saiyang banwaan sa pagtao sainda nin marahay na ani; kaya nag-andam siya na maghale sa Moab kaiba an saiyang mga manugang.