Sofonias 2:5 - Marahay na Bareta Biblia

⁵ Magagadan kamong mga Filisteo, kamo na mga nag-eerok sa tampi kan dagat. Hinukoman na kamo kan Kagurangnan. Gagadanon niya kamo asin mayo nin siisay man na matatada saindo.

Sofonias 2:5 ပူးပေါင်းရင်းမြစ်များ

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 14:30

An Kagurangnan iyo an mapastor sa mga dukha sa saiyang banwaan asin tutugotan niya sindang mamuhay na matoninong. Alagad mapadara siya nin makangirhat na gutom sa saindo, mga Filisteo, asin mayo sa saindo nin matatadang buhay.

Jeremias 47:7

Alagad paano iyan magpapahingalo, mantang tinawan ko iyan nin gigibohon? Pinagbotan ko iyan na salakayon an Askelon saka an mga tawo na nag-eerok sa baybayon.”

Ezekiel 25:16

kaya minapahayag ako na sasalakayon ko an mga Filisteo asin paparaon ko sinda. Gagadanon ko an gabos na nag-eerok sa Kapantayan nin Filistia.

Amos 3:1

Banwaan nin Israel, dangoga an mensaheng ini na itinaram nin Kagurangnan laban saindo, an nasyon na ilinuwas niya hale sa Egipto:

Amos 5:1

Banwaan nin Israel, dangoga ining panambitan na aawiton ko saindo:

Sofonias 1:11

Mag-agrangay kamo asin maghibi kun madangog nindo ini, kamo na nag-eerok sa mga hababang kabtang kan syudad, huli ta magagadan an gabos na negosyante!

Sofonias 3:6

Nagtataram an Kagurangnan, “Pinara ko an mga nasyon; rinaot ko an saindang mga syudad asin binayaan kong rumpag an saindang mga kudal saka mga tore. Nagharale na an mga nag-eerok sa mga syudad; mayo nin tawo sa mga tinampo—mayo nin nawalat maski saro.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Markos 12:12

Hiningowa nindang dakopon si Jesus huli ta nasabotan ninda na sinda an pinapanongdan kan parabolang inosipon niya. Alagad takot sinda sa mga tawo, kaya binayaan ninda si Jesus saka nagharale.

Josue 13:2

an bilog na teritoryo nin Filistia asin Gesur,

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.

1 Samuel 30:14

Sinalakay mi an teritoryo kan mga Keretita sa parteng habagat kan Juda asin an teritoryo kan kamaganakan ni Caleb, dangan sinulo mi an Ziklag.”