Sofonias 2:15 - Marahay na Bareta Biblia

¹⁵ Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Sofonias 2:15 ပူးပေါင်းရင်းမြစ်များ

An Libro ni Job 16:4

Makakataram man ako siring saindo, kun ako an nasa lugar nindo; pwede kong pagsugponon an mga tataramon laban saindo, asin magtango-tango kan sakong payo.

An Libro ni Job 27:23

Naghahagubohob sainda an doros mantang sinda nagdadaralagan, tinatakot sinda huli sa nakakagadan na kapangyarihan kaiyan.

Isaias 22:2

An bilog na syudad pano nin mga pagkukurahaw, karibokan asin kaogmahan. An saimong mga lalaking nagadan sa gerang ini, nagadan bakong sa pakikilaban.

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Isaias 32:14

Maski an palasyo babayaan kan mga nag-eerok diyan asin an pangenot na syudad babayaan kan mga namamanwaan. An mga bulod saka an mga bantayan magigin mga erokan nin mga lalaw na hayop, sarong kaogmahan para sa mga lalaw na asno asin sarong pasabsaban para sa mga hayop.

Isaias 32:9

Kamong mga babaeng namumuhay na matiwasay asin mayo nin mga kahaditan, dangoga nindo an sinasabi ko.

Isaias 47:10

“Dai ka nag-alangan sa paggibo nin karatan; naghona kang mayo nin makakahiling saimo. Linagalag ka kan saimong kadonongan saka pakasabot, asin nagsaboot kang ‘Ako an Dios—mayo nin ibang makakaarog sa sako.’

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 19:8

Dadarahon ko sa lugar na ini an sarong makangingirhat na pagkagaba, kaya an siisay man na mag-agi digdi mamomongnan saka magngangalas.

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 2:1

Sa kaanggotan nin Kagurangnan tinahoban niya an Sion nin kadikloman. Rinumpag niya an langitnon na kamurawayan nin Israel. Sa aldaw nin saiyang kaanggotan binayaan niya maski an saiyang Templo.

Mga Panambitan 2:15

Pinag-oolog-olog ka kan mga nag-aaragi; pinagtutuyatuya asin pinagngingisihan ninda an rumpag nang Jerusalem: “Iyo ini an magayon na syudad kaidto? Iyo ini an kaogmahan kan kinaban?”

Ezekiel 27:36

Mayo ka na, mayo na sagkod pa man, asin an gabos na negosyante sa bilog na kinaban natatakot, ta tibaad makaarog sinda saimo.”

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:9

Sa atubang kan magadan saimo, makakasabi ka pa daw na ika sarong dios, maski tawo ka man sana asin bakong dios?

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Nahum 3:19

Mayo nin bolong para sa saimong namamatean, asin mayong karahayan an saimong mga lugad. Mag-ooropak an mga makadangog kan saimong pagbagsak. May nakaligtas daw sa saimong mayong ontok na kakurihan?

Habakkuk 1:7

Pinapalakop ninda an takot saka kadahasan, asin sa saindang kapalangkawan, sinda mismo an naggigibo nin pagboot.

Mateo 27:39

An mga tawong nag-aaragi nagtatango-tango na nagtutuya-tuya saiya,