Sofonias 2:13 - Marahay na Bareta Biblia

¹³ Gagamiton nin Kagurangnan an saiyang kapangyarihan tanganing raoton an Asiria. An syudad nin Nineve gigibohon niyang sarong raot na lugar na mayo nin tawo, sarong mayo nin tubig na desyerto.

Sofonias 2:13 ပူးပေါင်းရင်းမြစ်များ

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 14:26

Iyo ini an sakong plano sa kinaban, asin inunat ko na an sakong takyag sa pagpadusa sa mga nasyon.”

Isaias 37:37

Dangan nagsibog si Senakerib na emperador nin Asiria asin nagbalik sa Nineve.

Jeremias 49:33

An Hazor magigin sarong desyerto sagkod lamang, sarong lugar na pag-eerokan nin mga lalaw na ayam. Mayo na nin tawo na mag-eerok duman. Ako, an Kagurangnan, an nagtaram.”

Jonas 1:2

Nagsabi siya, “Magduman ka sa Nineve, idtong dakulang syudad, asin magtaram ka laban sa syudad, huli ta aram ko kun gurano karaot an mga namamanwaan duman.”

Jonas 3:2

Nagsabi siya, “Magduman ka sa Nineve, idtong dakulang syudad, asin ipahayag mo sa mga tawo an mensahe na itinao ko saimo.”

Mikas 5:6

Huli sa saindang kosog, masasakop ninda an Asiria, an daga ni Nimrod, asin ililigtas ninda kita sa mga taga Asiria sa panahon na salakayon kan mga ini an satong teritoryo.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Nahum 3:15

Maski ano pa an saimong gibohon, masusulo ka man giraray o magagadan sa ralaban. Mapupuho ka siring sa mga tinanom na kinakan nin mga doron. Nagdakul ka siring sa mga doron!

Nahum 3:7

Masiribog an gabos na makakahiling saimo. Masarabi sinda, ‘Gaba na an Nineve! Siisay pa an may pagkaherak saiya? Siisay an boot na magranga saiya?’”

Sofonias 1:4

“Papadusahan ko an mga namamanwaan sa Jerusalem asin sa Juda. Raraoton ko an natatadang tanda kan pagsamba ki Baal duman, asin mayo nang makakagiromdom kan mga paganong padi na naglilingkod saiya.