Sofonias 1:7 - Marahay na Bareta Biblia

⁷ Harani na an aldaw nin paghukom na gigibohon nin Kagurangnan, kaya mag-alo kamo sa atubangan niya. Nag-aandam an Kagurangnan na idolot bilang sakripisyo an saiyang banwaan, asin inalok niya an mga kaiwal tanganing samsaman an Juda.

Sofonias 1:7 ပူးပေါင်းရင်းမြစ်များ

An Libro ni Job 24:1

“Tadaw ta dai magtalaan an Dios nin panahon sa paghukom, sarong aldaw nin katanosan para sa mga naglilingkod saiya?

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Isaias 13:3

Pinaluwas na nin Kagurangnan an saiyang mapaabaw-abaw saka makokosog na mga soldados tanganing makilaban sa sarong banal na gera asin padusahan an saiyang mga naaanggotan.

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Isaias 34:5

Inandam na nin Kagurangnan an saiyang espada sa langit, asin ngunyan nag-iibaba iyan sa Edom, sa mga tawong saiyang sinentensyahan nin kagadanan.

Isaias 34:6

An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Ezekiel 7:10

Nagdadangadang na an aldaw! Namumurak na an inhustisya asin nagsusupang na an kapaabaw-abawan.

Ezekiel 7:7

Nagdadangadang na an kataposan para sa mga nag-eerok sa daga. Harani na an oras na dai na magkakaigwa nin mga maoogmang pagtiripon sa kabukidan, kundi kariribokan.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Amos 6:10

An kadugo kan nagadan, an namamahala kan lubong, iyo an madara kan bangkay paluwas sa harong. Dangan maapod an kadugo sa kiisay man na yaon pa sa laog kan harong, “May kaiba ka pa diyan?” Masimbag an sarong tingog, “Mayo!” Dangan masabi an kadugo, “Mag-alo ka! Kaipuhan magin maingat kita na dai masambit an ngaran nin Kagurangnan.”

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Habakkuk 2:20

An Kagurangnan nasa banal niyang Templo; mag-alo an gabos sa atubangan niya.

Sofonias 1:14

Harani na an dakulang aldaw nin Kagurangnan—harani na nin marahay asin marikas an pag-abot kaiyan! An aldaw na iyan magigin mapait, huli ta maski an pinakamaisog na mga soldados mahibi huli sa kawaraan nin paglaom!

Zacarias 14:1

Harani na an aldaw na matukaw sa paghukom an Kagurangnan. Dangan sasamsaman an Jerusalem, asin pagbabarangaon an sinamsam sa atubangan nindo.

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Mateo 22:4

Nagsugo naman siya nin ibang mga sorogoon na tinugon, ‘Sabihan nindo an mga imbitado na andam na an bangkete; ipinabuno ko an mga pinatabang baka asin andam na an gabos. Kaya magdigdi na sinda sa bangkete!’

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

Filipos 4:5

Ipahiling nindo sa gabos an saindong kahoyoan. An Kagurangnan madali nang umabot.

1 Samuel 16:5

“Iyo,” an simbag ni Samuel. “Nagdigdi ako tanganing magdolot nin sakripisyo sa Kagurangnan. Maglinig kamo kan saindong sadiri asin mag-iba sako.” Sinabihan man niya si Jesse asin an mga aking lalaki kaini na maglinig kan saindang sadiri saka inalok niya sinda sa pagsakripisyo.

1 Samuel 20:26

alagad dai naggirong si Saul kan aldaw na idto huli ta nagsaboot siya, “Igwang nangyari saiya, asin bako siyang malinig.”