Sofonias 1:6 - Marahay na Bareta Biblia

⁶ Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Sofonias 1:6 ပူးပေါင်းရင်းမြစ်များ

2 Samuel 22:22

Kinuyog ko an mga togon nin Kagurangnan; an sakuyang Dios dai ko tinalikodan.

2 Mga Cronica 15:13

Gagadanon an siisay man na dai magsamba saiya, magin gurang, aki, lalaki o babae man.

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 36:3

An saiyang ngoso pano nin karatan asin kaputikan; mayo na siyang gibong tama asin marahay.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 43:22

Nagsasabi an Kagurangnan, “Alagad napagal ka sako, Israel; dai ka nagsamba sako.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 15:6

Isinikwal nindo ako; nagtalikod kamo sako. Kaya ibinikyaw ko an sakong kamot saka rinonot ko kamo huli ta dai ko na mapugolan an kaanggotan ko.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:17

Israel, ika an nagdara kaini sa saimong sadiri! Tinalikodan mo ako, an Kagurangnan na saimong Dios, kan pinapangenotan ko kamo sa saindong pagbaklay.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Ezekiel 3:20

“Siring man, kun an sarong matanos na tawo magpoon sa paggibo nin maraot, dangan ibinugtak ko siya sa pag-alaman, magagadan siya kun dai mo siya patanidan. Magagadan siya huli kan saiyang mga kasalan—dai ko na gigiromdomon an mga karahayan na saiyang ginibo—asin ika an babasolon sa saiyang pagkagadan.

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Oseas 7:10

An kapaabaw-abawan kan banwaan nin Israel nagsasaksi laban sa sainda. Dai pa sinda nagbalik sako, an Kagurangnan na saindang Dios, pakatapos na mangyari an gabos.

Oseas 7:7

“Sa init kan saindang kaanggotan, ginadan ninda an saindang mga pamayo; saro-sarong ginadan ninda an saindang mga hade, alagad mayo nin namimibi sa sako sa paghagad nin tabang.”

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Roma 3:11

mayo ni sarong nakakasabot, o naghahanap sa Dios.

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

Josue 23:12

Kun magtalikod kamo saiya asin makisumaro sa mga natatadang nasyon na iyan sa kaibahan nindo asin makipag-agoman sainda,

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.