Sofonias 1:5 - Marahay na Bareta Biblia

⁵ Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Sofonias 1:5 ပူးပေါင်းရင်းမြစ်များ

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

1 Mga Hade 11:5

Nagsamba siya ki Astarte, an diosa nin Sidon, asin ki Molek, an makauuyam na dios nin Ammon.

1 Mga Hade 18:21

Nagpaenotan si Elias asin nagsabi sa mga tawo, “Sagkod nuarin kamo magkakaigwa nin duwang pag-isip? Kun an Kagurangnan iyo an Dios, siya an sambahon nindo; alagad kun si Baal an Dios, siya an sambahon nindo!” Dai nagsimbag saiya an mga tawo.

2 Mga Hade 17:32

An Kagurangnan sinamba man kan mga tawong ini asin nagpili sinda hale sa sainda man sana nin manlaen-laen na klase nin tawo tanganing maglingkod bilang mga padi sa mga lugar na pagsasambahan asin magdolot nin mga atang para sa sainda.

2 Mga Hade 17:33

Kaya sinamba ninda an Kagurangnan alagad sinamba man ninda an sadiri nindang mga dios sosog sa mga gawe kan mga nasyon na hinalean ninda.

2 Mga Hade 17:41

Kaya nagsamba sa Kagurangnan an mga tawong idto alagad nagsamba man sinda sa mga ladawan kan mga dios ninda; ini man an ginigibo kan saindang mga kapagarakian sagkod ngunyan.

2 Mga Hade 23:12

Ipinagaba niya an mga altar na ginibo kan mga hade nin Juda sa atop kan erokan ni Ahaz, sagkod an mga altar na ibinugtak ni Hadeng Manases sa duwang patyo kan Templo; ipinaronot niya an mga altar dangan ipinatapok sa Kapantayan nin Kidron.

Isaias 22:1

Iyo ini an mensahe dapit sa Kapantayan nin Bisyon. Ano an nangyayari? Tadaw ta nagseselebrar an gabos na tawo sa atop kan saindang mga harong?

Isaias 44:5

“Saro-sarong masabi an mga tawo, ‘Sadiri ako kan Kagurangnan.’ Madatong sinda nganing mag-apil sa banwaan nin Israel. Mamarkahan kan lambang saro an saiyang takyag kan ngaran nin Kagurangnan dangan aapodon niya an saiyang sadiri na kaayon sa banwaan nin Dios.”

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 49:1

Iyo ini an itinaram nin Kagurangnan manongod sa Ammon: “Haen an kalalakihan nin Israel? Mayo na daw nin makikilaban para sa saiyang daga? Tadaw ta pinabayaan nindang maagaw kan mga tawong nagsasamba ki Milcom an teritoryo kan tribu ni Gad saka mag-erok duman?

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Jeremias 7:10

Ginigibo nindo an mga bagay na ini na kinakaongisan ko, dangan minadigdi kamo saka minatindog sa atubangan ko, sa laog kan sakong Templo, dangan minasabi kamo, ‘Ligtas kami!’

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Oseas 10:2

Kaipuhan na magtios ngunyan an mga tawong madaya an puso huli kan saindang mga kasalan. Gagabaon nin Dios an saindang mga altar asin raraoton niya an saindang sagradong mga harigi.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Amos 5:26

Alagad ngunyan, huli ta sinamba nindo an ladawan ni Sakkut, an saindong hadeng dios, asin an ladawan ni Kaiwan, an saindong dios na bitoon, papasanon nindo an mga ladawan na iyan

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Mga Gibo 10:9

Sunod na aldaw, kan nagdadangadang na sa Jope an mga sinugo, nagsakat si Pedro sa atop kan harong tanganing mamibi. Mag-aalas dose na nin odto kaidto.

Roma 14:11

Huli ta nasusurat, “Siring na ako an buhay na Dios, an sabi kan Kagurangnan, an lambang saro maluhod sa atubangan ko, an gabos magpapahayag na ako Dios.”

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.