Sofonias 1:3 - Marahay na Bareta Biblia

³ an mga tawo saka mga hayop, an mga gamgam asin mga sira. Ibabagsak ko an gabos na tampalasan. Pupuhoon ko an katawohan digdi sa daga. Ako, an Kagurangnan, an nagtaram.

Sofonias 1:3 ပူးပေါင်းရင်းမြစ်များ

Genesis 6:7

Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Isaias 6:12

Isusubol ko an mga tawo sa hararayong lugar asin mayo na nin mag-eerok sa bilog na daga.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Ezekiel 44:12

Alagad huli ta sinda an namahala kan pagsamba kan mga Israelita sa mga dios-dios, asin sinda an nagdara sa mga tawo sa pagkakasala, ako, an Kagurangnan Dios, minasumpa na kaipuhan padusahan sinda.

Ezekiel 7:19

An saindang mga bulawan saka plata itatapok ninda sa mga tinampo siring sa mga ati, huli ta dai sinda ikakaligtas kan mga iyan kun iula na nin Kagurangnan an saiyang kaanggotan. Dai ninda iyan magagamit sa paghale kan saindang kagutoman. An bulawan saka plata iyo an nagdara sainda sa kasalan.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Zacarias 13:2

Sa panahon na iyan, hahaleon ko an ngaran kan mga dios-dios sa daga, asin mayo nang makakagiromdom sa sainda. Gagadanon ko an siisay man na nagsasabing saro siyang propeta, asin hahaleon ko an pagmawot na magsamba sa mga dios-dios.

Mateo 13:41

susugoon kan Aki nin Tawo an saiyang mga anghel nganing tiponon saka paluwason sa saiyang Kahadean an gabos na nagin dahelan nin kasalan asin an gabos na paragibo nin maraot.

Mateo 23:39

Sinasabihan taka, dai mo na ako mahihiling giraray sagkod na dai ka minasabing, ‘Paladan an minadatong sa ngaran nin Kagurangnan.’”

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.