Sofonias 1:15 - Marahay na Bareta Biblia

¹⁵ Iyan an aldaw nin labi-labing kaanggotan, aldaw nin kahorasaan asin kasakitan, aldaw nin pagkaraot saka pagkatunaw, aldaw nin kadikloman asin kapongawan, aldaw na mapanganoron saka mahibog na diklom,

Sofonias 1:15 ပူးပေါင်းရင်းမြစ်များ

Isaias 13:9

An aldaw kan Kagurangnan maabot—an makuring aldaw na idto kan saiyang naglalaad na kabangisan asin kaanggotan. An daga magigin sarong kalangtadan asin magagadan an gabos na makasalan.

Isaias 22:5

Iyo ini an panahon nin katakotan, pagkadaog, asin nin pagkaribong sa Kapantayan nin Bisyon na ipinadara sato kan Makakamhan na Kagurangnan Dios nin mga hukbo. Nagaba na an kudal kan samong syudad, asin an agrangay sa paghagad nin tabang nadadangog sa kabubuldan.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 30:7

Makatatakot an aldaw na iyan. Mayo iyan nin kaarog; panahon iyan nin kahaditan para sa sakong banwaan, alagad makakaligtas sinda diyan.”

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Sofonias 2:2

bago kamo maalang saka magadan siring sa sarong burak, bago mag-abot saindo an naglalaad na kaanggotan nin Kagurangnan, bago mag-abot saindo an aldaw nin pagpahiling niya kan saiyang kaanggotan.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Deuteronomio 28:52

Sasalakayon ninda an gabos na banwa na itatao saindo nin Kagurangnan na saindong Dios, sagkod na magkagaraba an haralangkaw asin makokosog na kudal na saindong sinasarigan.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.

Kapahayagan 6:17

Huli ta an mangirhat na aldaw kan saindang kaanggotan nag-abot na asin siisay an makakatagal kaiyan?”