Sofonias 1:13 - Marahay na Bareta Biblia

¹³ Sasamsamon an saindang kayamanan asin raraoton an saindang mga harong. Magtutugdok sinda nin mga harong alagad dai ninda maeerokan. Matanom sinda nin mga ubas alagad dai sinda makakainom kan arak hale diyan.”

Sofonias 1:13 ပူးပေါင်းရင်းမြစ်များ

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 15:13

Tinaraman ako nin Kagurangnan, “Mapadara ako nin mga kaiwal tanganing hakoton an mga rogaring asin kayamanan kan sakong banwaan, bilang padusa sa ginibo nindang mga kasalan sa bilog na daga.

Jeremias 17:3

saka sa kabukidan sa kahiwasan. Papabayaan kong makua kan saindong mga kaiwal an kayamanan saka mga rogaring nindo huli kan gabos nindong kasalan na saindong ginibo sa bilog nindong daga.

Jeremias 4:20

Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Jeremias 9:19

Hinanyoga an tingog nin pagtangis sa Sion: “Raot na kita! Hinalean na nanggad kita nin onra! Dapat kitang maghale sa satong daga; huli ta ginaraba na an satong mga harong.”

Mga Panambitan 5:2

An samong pagsadiri yaon na sa mga dayuhan, mga taga ibang nasyon na an nag-eerok sa samong mga harong.

Ezekiel 22:31

Kaya iuula ko sainda an sakong kaanggotan, asin siring sa kalayo, susuloon ko sinda huli kan saindang mga ginibo.” An Kagurangnan Dios an nagtaram.

Ezekiel 7:19

An saindang mga bulawan saka plata itatapok ninda sa mga tinampo siring sa mga ati, huli ta dai sinda ikakaligtas kan mga iyan kun iula na nin Kagurangnan an saiyang kaanggotan. Dai ninda iyan magagamit sa paghale kan saindang kagutoman. An bulawan saka plata iyo an nagdara sainda sa kasalan.

Ezekiel 7:21

“Tutugotan ko an mga dayuhan na habonan sinda,” an sabi nin Kagurangnan. “Ipapakua ko an mga iyan sa mga maraot na tawo sa daga asin babasang-basangon ninda iyan.

Ezekiel 7:24

Dadarahon ko digdi an pinakamaraot na mga nasyon tanganing sadirihon an saindang mga harong. Manluluya an boot kan saindang maiisog na mga lalaki, kun digtaan na kan mga nasyon an saindang mga lugar na pinagsasambahan.

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Mikas 6:15

Magtatanom ka, alagad dai ka mag-aani. Magpupuga ka nin mga oliba tanganing makakua nin lana, alagad dai mo man iyan magagamit. Magibo ka nin arak, alagad dai mo man iyan maiinom.

Sofonias 1:9

Papadusahan ko an gabos na nagsasamba siring sa mga pagano, asin an nanghahabon saka nanggagadan tangani sanang panoon nin sinamsaman an harong nin saindang kagurangnan.

Deuteronomio 28:30

“Magkakaigwa kamo nin katratong babae, alagad iba an maagom saiya. Mapatugdok kamo nin harong, alagad dai kamo maerok diyan. Matanom kamo nin ubas, alagad dai nindo mananamitan an mga bunga kaiyan.

Deuteronomio 28:39

Matanom kamo asin maataman nin mga ubas, alagad dai kamo makakakua nin bunga o makakainom nin arak hale diyan, huli ta kakakanon kan mga ulod an mga balagon.

Deuteronomio 28:51

Kakakanon ninda an saindong mga hayop asin an mga bunga kan saindong daga sagkod na magadan kamo sa gutom. Dai kamo ninda tatadaan nin ani, arak, lana, baka o karnero; magagadan kamo gabos.