Sofonias 1:12 - Marahay na Bareta Biblia

¹² “Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

Sofonias 1:12 ပူးပေါင်းရင်းမြစ်များ

An Libro ni Job 21:15

Ano an Makakamhan, ta samo siyang paglingkodan? Ano an pakinabang nyamo kun siya samong pagpamibian?

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 94:7

Nagsasarabi sinda, “Dai kita nahihiling kan Kagurangnan; dai nakakamangno an Dios nin Israel.”

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Jeremias 10:5

An mga dios-dios na siring kaiyan garo pantakot sa mga gamgam sa oma; dai iyan nakakataram; kaipuhan pasanon sinda huli ta dai sinda nakakalakaw. Dai kamo matakot sainda huli ta dai sinda makakagibo nin maraot, ni makakagibong marahay.”

Jeremias 48:11

Nagtaram an Kagurangnan, “Danay na namuhay sa katiwasayan an Moab asin dai pa lamang nabihag. Garo siya arak na dai hinihiro; dai siya pinagpapalis-palis sa mga lalagan. Kaya dai nag-iiba an saiyang namit, asin dai nagbabago an saiyang parong.

Ezekiel 8:12

Hinapot ako nin Dios, “Aki nin tawo, nahiling mo an ginigibo sa hilom kan mga kamagurangan nin Israel? Nagsasamba sinda gabos sa laog nin sarong kwarto na pano nin mga ladawan. Huli ta nagsasabi sinda, ‘Dai kita nahihiling nin Kagurangnan! Pinabayaan na niya an daga.’”

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Ezekiel 9:9

Nagsimbag an Dios, “Dakula nin marahay an kasalan kan mga tawo sa Israel asin Juda; an daga pano nin dugo asin an syudad pano nin inhustisya. Nagsasabi sinda, ‘Pinabayaan nin Kagurangnan an satong daga asin dai niya kita mahihiling!’

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Obadias 1:6

Mga kapagarakian ni Esau, sinamsam an mga kayamanan nindo.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

2 Pedro 3:4

Mahapot sinda, “Bakong nanuga si Cristo na mabalik? Haen siya? Nagadan na an satong mga ginikanan, alagad dai man nin nabago poon kan lalangon an kinaban!”

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.