Sofonias 1:10 - Marahay na Bareta Biblia

¹⁰ “Sa aldaw na idto,” an sabi nin Kagurangnan, “madadangog nindo an paghibi sa Trangkahan nin Sira sa Jerusalem. Madadangog nindo an inagrangay sa bagong kabtang kan syudad asin an dakulang ribok nin pagkarumpag sa kabubuldan.

Sofonias 1:10 ပူးပေါင်းရင်းမြစ်များ

2 Samuel 5:7

Alagad nasakop ni David an bantayan nin Sion, asin nabantog ini sa ngaran na “Syudad ni David.”)

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

2 Mga Hade 22:14

Si Hilkias, Ahikam, Akbor, Safan, asin si Asaias nagduman ki Hulda na sarong babaeng propeta na nag-erok sa bagong kabtang kan Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

2 Mga Cronica 3:1

Itinalaan na ni David, na ama ni Solomon, kun saen itutugdok an Templo. Duman ini itutugdok sa Jerusalem, sa ibabaw kan Bukid nin Moria, saen nagpahiling ki David an Kagurangnan, sa lugar na ginamit ni Arauna na Jebuseo bilang ginikan. Pinonan ni Solomon an pagtugdok kan Templo

2 Mga Cronica 32:22

Sa paaging ini ilinigtas nin Kagurangnan si Ezekias saka an banwaan nin Jerusalem sa kamot ni Senakerib, an emperador nin Asiria asin sa kamot kan iba pa nindang mga kaiwal. Ginibo nin Kagurangnan na mamuhay sinda sa katoninongan kaiba an mga kataraed na nasyon.

2 Mga Cronica 33:14

Pakatapos kaini, nagtugdok si Manases nin sarong panluwas na kudal para sa Syudad ni David, sa parteng solnopan, poon sa kapantayan na harani sa Burabod nin Gihon sagkod sa Trangkahan nin Sira asin sa palibot kan syudad nin Ofel. Pinahalangkaw niya an panluwas na kudal na ini asin nagbugtak siya nin mga opisyal nin hukbo sa gabos na pinapusog na syudad nin Juda.

2 Mga Cronica 34:22

Si Hilkias asin an mga sinugo kan hade nagduman ki Hulda na sarong babaeng propeta na nag-erok sa bagong kabtang nin Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

Nehemias 12:39

Hale duman inagihan mi an Trangkahan ni Efraim, an Daan na Trangkahan, an Trangkahan nin Sira, an Tore ni Hananel, asin an Tore kan Sanggatos, dangan nagpasiring kami sa may Trangkahan kan Karnero. Nag-ontok kami sa may trangkahan pasiring sa Templo.

Nehemias 3:3

An kamaganakan ni Hassenaa iyo an naghirahay kan Trangkahan nin Sira. Ibinugtak ninda an mga kahalabaan asin an mga trangkahan sa tamang lugar dangan ibinugtak man ninda an mga barat saka mga bisagra kaini.

Isaias 59:11

Nag-uungal kami na garo oso; nag-aaguro kami na garo mga salampati. Hinahalat mi an Dios na iligtas kami sa pang-aapi asin sa karatan, alagad mayong nangyayari.

Jeremias 39:2

Kan ikasiyam na aldaw kan ikaapat na bulan kan ikaonseng taon kan paghahade ni Zedekias nalaog ninda an syudad. (

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Ezekiel 6:13

An saindang mga bangkay magkakawararak sa palibot kan mga altar sa kaibahan kan mga dios-dios, magkakawararak sa lambang halangkaw na bulod, sa alitoktok kan lambang bukid, sa lindong nin lambang berdeng kahoy asin lambang madahon na hamurawon, sa lambang lugar na pinagdolotan ninda nin sakripisyo para sa saindang mga dios-dios. Dangan maaaraman ninda gabos na ako an Kagurangnan.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Sofonias 1:15

Iyan an aldaw nin labi-labing kaanggotan, aldaw nin kahorasaan asin kasakitan, aldaw nin pagkaraot saka pagkatunaw, aldaw nin kadikloman asin kapongawan, aldaw na mapanganoron saka mahibog na diklom,

Sofonias 1:7

Harani na an aldaw nin paghukom na gigibohon nin Kagurangnan, kaya mag-alo kamo sa atubangan niya. Nag-aandam an Kagurangnan na idolot bilang sakripisyo an saiyang banwaan, asin inalok niya an mga kaiwal tanganing samsaman an Juda.