Santiago 5:7 - Marahay na Bareta Biblia

⁷ Kaya, mga tugang, maging matinios kamo sagkod na mag-abot an Kagurangnan. Hilinga nindo an paratanom na matinios na naghahalat kan mahalagang bunga kan daga; matinios na naghahalat kan enot asin huring uran!

Santiago 5:7 ပူးပေါင်းရင်းမြစ်များ

Jeremias 5:24

Dai nanggad nindo inisip na omawon ako maski ngani ako an minapadara saindo nin uran sa tamang panahon saka minapaabot kan panahon nin pag-ani sa lambang taon.

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 16:28

Sa katotoohan sinasabihan ko kamo, igwa nin nagkapira digdi na dai magagadan sagkod na dai ninda mahiling na minadatong an Aki nin Tawo sa saiyang Kahadean.”

Mateo 24:27

Huli ta an Aki nin Tawo madigdi siring sa kikilat na minaliwanag hale sa sirangan sagkod sa solnopan.

Mateo 24:44

Kaya dapat danay man kamong andam, huli ta an Aki nin Tawo maabot sa oras na dai nindo pinaghohona.

Lukas 18:8

Alagad pagdigdi kan Aki nin Tawo, makakakua daw siya nin pagtubod sa kinaban?”

Lukas 21:27

Dangan mahihiling ninda an Aki nin Tawo na maabot sa sarong panganoron na may kapangyarihan asin dakulang kamurawayan.

Lukas 8:15

Alagad an banhing nakasabwag sa matubang na daga, garo an mga tawo na minadangog kan tataramon nin Dios. Iniingatan ninda iyan sa pusong maboot saka makinuyog, asin nagdadanay sagkod na magbunga.

Juan 21:22

Sinimbag siya ni Jesus, “Ano an labot mo kun boot kong mabuhay siya sagkod na magdigdi ako liwat? Sumunod ka sana sako!”

Juan 21:23

Kaya nakalakop an bareta sa mga disipulo ni Jesus na an disipulong idto dai magagadan. Alagad dai sinabi ni Jesus na an disipulong idto dai magagadan; an sinabi niya, “Ano an labot mo kun boot kong mabuhay siya sagkod na magdigdi ako liwat?”

Roma 15:4

An gabos na nasa mga Kasuratan, isinurat nganing tukdoan kitang magkaigwa nin paglaom sa paagi nin pakatagal saka karangahan na itinatao sato kan mga Kasuratan.

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

1 Corinto 1:7

Kaya nag-ako kamo kan gabos na balaog na espiritwal, mantang naghahalat kamo na mahayag si Jesu-Cristong Kagurangnan ta.

Galacia 5:5

Linalaom mi man na gigibohon nin Dios na magin matanos kami saiya huli sa pagtubod mi ki Cristo, sa tabang kan Espiritu nin Dios.

Galacia 6:9

Kaya dai kita mapagal sa paggibo nin karahayan; huli ta kun dai kita magmaluya, maabot an panahon na maani kita.

Deuteronomio 11:14

Kun gibohon nindo ini, papadarahan niya nin uran an saindong daga sa tamang panahon, tanganing magkaigwa kamo nin banhi, arak saka lana nin oliba,

Colosas 1:11

Mapakosog man logod kamo kan gabos na kakosogan hale sa saiyang mamurawayon na kapangyarihan, tanganing matios nindo an gabos na bagay. Maogma kamong magpasalamat sa Ama huli ta pinapagkanigo niya na ibilang kamo sa mga banal na magmamana kan kahadean nin liwanag.

1 Tesalonica 1:3

Ginigiromdom nyamo sa atubang kan satong Dios asin Ama kun paano nindo ipinahiling sa gibo an saindong pagtubod; kun paanong an pagkamoot nindo an nakahiro saindo na magtrabaho nin maigot; kun gurano kasarig an saindong paglaom ki Jesu-Cristo na satong Kagurangnan.

1 Tesalonica 2:19

Kamo, na samong paglaom asin kaogmahan, an dahelan kan pag-oorgulyo mi kan kapangganahan sa atubang ni Jesu-Cristo na satong Kagurangnan pagbalik niya.

1 Tesalonica 3:13

Sa paaging ini papasarigon niya an saindong mga puso na mayo nin kaninan sa kalinigan sa atubang kan satong Dios asin Ama, pagbalik kan satong Kagurangnan na si Jesus kaiba an gabos niyang banal.

Hebreyo 6:15

Nagmatinios si Abraham, kaya nakamtan niya an panuga nin Dios saiya.

Santiago 4:11

Mga tugang, dai kamo magpakaraot sa kapwa. An siisay man na magpakaraot o maghukom sa kapwa niya, nagtataram tumang sa Katogonan asin naghuhukom kaiyan. Kun hinuhukoman mo an Katogonan, dai ka nagsusunod kaiyan, kundi ika na an naghuhukom kaiyan.

Santiago 5:10

Mga tugang, giromdoma nindo an mga propeta na nagtaram sa ngaran nin Kagurangnan. Aroga nindo an saindang pagkamatinios asin pakatagal sa tahaw nin kasakitan.

Santiago 5:3

Tinakla na an saindong bulawan saka plata; an taklang iyan iyo an magigin saksi tumang saindo, saka garo kalayong matunaw kan saindong hawak. Nagparapayaman kamo sa mga huring aldaw na ini.

2 Pedro 3:4

Mahapot sinda, “Bakong nanuga si Cristo na mabalik? Haen siya? Nagadan na an satong mga ginikanan, alagad dai man nin nabago poon kan lalangon an kinaban!”