Santiago 5:3 - Marahay na Bareta Biblia

³ Tinakla na an saindong bulawan saka plata; an taklang iyan iyo an magigin saksi tumang saindo, saka garo kalayong matunaw kan saindong hawak. Nagparapayaman kamo sa mga huring aldaw na ini.

Santiago 5:3 ပူးပေါင်းရင်းမြစ်များ

Genesis 31:48

Sinabihan ni Laban si Jacob, “An tambak na gapong ini iyo an magpapagiromdom sato.” Kaya an lugar na idto nginaranan Galeed.

Genesis 31:52

Ini an mga saksi na dai ako malampas sa tambak na ini tanganing kalabanon ka asin dai ka man malampas digdi o sa hariging giromdom na ini tanganing kalabanon ako.

Genesis 49:1

Inapod ni Jacob an saiyang mga aki dangan sinabihan, “Madya kamo sa palibot ko, asin sasabihon ko an mangyayari sa saindo sa maabot na aldaw:

An Libro ni Job 16:8

Dinakop mo ako; kaiwal taka. Kublit asin tolang na sana ako, kaya naghona an mga tawo na iyan patotoo na nagkasala ako.

Isaias 2:2

Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Jeremias 19:9

An syudad papalibotan kan mga kaiwal asin hihingowahon nindang gadanon an mga tawo. Magigin makuri an pagkalaom sa syudad kaya kakakanon kan mga tawo digdi an saindang kapwa sagkod an sadiri nindang mga aki.”

Mikas 3:3

Kamo an minakakan kan sakong banwaan. Kamo an minaanit sainda, minabari kan saindang mga tolang, dangan minapedaso kaiyan siring sa karne na lulutoon.

Mikas 4:1

Sa maabot na mga aldaw, an bukid na namumugtakan kan Templo iyo an magigin pinakahalangkaw sa gabos, mas halangkaw ki sa kabubuldan. Dakul na nasyon an madorolok diyan,

Mga Gibo 2:17

‘Iyo ini an sakong gigibohon sa mga huring aldaw, an sabi nin Dios: Papahiligon ko an sakong Espiritu sa gabos na tawo. An saindong mga aking lalaki asin mga aking babae maghuhula; an saindong mga hoben na lalaki makakahiling nin mga bisyon; an saindong mga gurang magkakaigwa nin mga pangatorogan.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

2 Timoteo 2:17

An siring na katukdoan nakakaagid sa panot na sige an dakula. Duwa kan mga paratukdong ini iyo si Himeneo saka si Fileto,

Josue 24:27

Sinabihan niya an gabos na tawo, “An gapong ini iyo an satong saksi. Nadangog kaini an gabos na itinaram sato nin Kagurangnan. Kaya magigin saksi ini laban saindo, tanganing dai kamo magtumang sa saindong Dios.”

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

Kapahayagan 17:16

An nahiling mong sampolong sungay saka an hayop maoongis sa maraot na babae. Hahaleon ninda an gabos na nasa saiya saka babayaan ninda siyang huba; kakakanon ninda an laman niya dangan susuloon.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”