Santiago 5:20 - Marahay na Bareta Biblia

²⁰ giromdomon nindo na an siisay man na nakapabalik sa sarong parakasala, makakaligtas kan kalag kan parakasalang iyan sa kagadanan, dangan makakatahob nin dakul na kasalan.

Santiago 5:20 ပူးပေါင်းရင်းမြစ်များ

Salmo 32:1

Paladan an tawong pinatawad na an mga kasalan, an tawong napara na an kalapasan.

Mga Talinhaga 10:12

An pagkaongis danay na naghahanap nin iwal, alagad an pagkamoot iyo an nagtatahob kan gabos na kasalan.

Mga Talinhaga 10:2

An kayamanan na nakua huli sa pandadaya dai minatao nin karahayan, alagad an pagigin onesto pwedeng magligtas kan saimong buhay.

Mga Talinhaga 11:30

Buhay an itinatao kan katanosan, alagad kagadanan an dara kan kadahasan.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Mga Talinhaga 17:9

Patawada an tawong nagkasala saimo kun boot mong magustohan ka nin tawo. An paggiromdom sa kasalan iyo an minatapos nin pagkakatood.

Juan 5:24

“Sa katotoohan sinasabihan ko kamo, an nagdadangog kan mga tataramon ko, asin nagtutubod sa nagsugo sako, igwa nin buhay na daing kataposan. Dai na siya huhukoman kundi nahale na siya sa kagadanan pasiring sa buhay.

Roma 11:14

tanganing mapaimon ko an kapwa ko Judio asin ikaligtas ko an iba sainda.

1 Corinto 1:21

Huli sa kadonongan nin Dios, ginibo niyang imposible para sa mga tawo na mamidbidan siya sa paagi kan sadiri nindang kadonongan. Alagad pinagmarahay nin Dios na iligtas an mga minatubod saiya huli kan Marahay na Bareta na ipinaghuhulit mi, maski sa paghona kan ibang mga tawo an mensaheng iyan kalolongan.

1 Corinto 9:22

Sa mga maluluya an pagtubod, nagigin maluya ako arog sainda tanganing madara ko sinda. Kaya nakikipareho ako sa gabos na klase nin tawo, ikaligtas ko lamang an iba sainda sa anoman na paagi.

1 Timoteo 4:16

Ingatan mo an saimong gibo saka pagtukdo. Padagosa an paggibo kan mga bagay na ini, huli ta sa siring na gibo makakaligtas ka sagkod an mga nagdadangog saimo.

Filemon 1:19

Ako mismo an nagsurat kan mga tataramon na ini: Ako, si Pablo, an mabayad saimo. (Dai na kutana kaipuhan na pagiromdomon taka na utang mo sako an saimo mismong buhay.)

Santiago 1:15

Kun an mga maraot na kamawotan na iyan nakagamot na, iyan magbubunga nin kasalan; kun nagtalubo na an kasalan, iyan magbubunga nin kagadanan.

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.

Santiago 5:15

An pamibi na may pagtubod an mapaomay kan tawong naghehelang. Papaomayan siya nin Kagurangnan asin kun nagkasala siya, papatawadon siya.

Santiago 5:19

Mga tugang ko, kun an saro saindo nakasuhay sa katotoohan, dangan an saro saindo nakapabalik saiya,

1 Pedro 4:8

Orog sa gabos, magkaminorootan kamo nin tudok sa puso, huli ta an pagkamoot minatahob sa dakul na kasalan.

Kapahayagan 20:6

Paladan asin banal an makaiba sa enot na pagkabuhay liwat! An ikaduwang kagadanan dai nin kapangyarihan sainda; magigin sindang mga padi nin Dios asin ni Cristo; maghahade sinda kaiba niya sa laog nin sangribong taon.